ಹಳೆಯಂಗಡಿ: ವೋಲ್ವೋ ಬಸ್‌ಗೆ ನಿಲುಗಡೆ

ಹಳೆಯಂಗಡಿ: ಮಂಗಳೂರು, ಉಡುಪಿ ಹಾಗೂ ಮಣಿಪಾಲಕ್ಕೆ ಸಂಚರಿ ಸುವ ಎಕ್ಸ್‌ಪ್ರೆಸ್‌ ಬಸ್‌ಗಳ ಜತೆಗೆ ವೋಲ್ವೋ ಬಸ್‌ಗಳಿಗೂ ಹಳೆಯಂಗಡಿಯಲ್ಲಿ ನಿಲು ಗಡೆ ಕಲ್ಪಿಸಲು ಕೆಎಸ್‌ಆರ್‌ಟಿಸಿ ಅಧಿಕಾರಿಗಳು ಸಮ್ಮತಿಸುವ ಮೂಲಕ ಈ ಭಾಗದ ಜನರ ಬಹುಕಾಲದ ಬೇಡಿಕೆ ಈಡೇರಿದೆ.

ಗರಿಕರು, ಹಳೆಯಂಗಡಿ ಗ್ರಾಮ ಪಂಚಾ ಯತ್‌ ಹಾಗೂ ಸಂಘ ಸಂಸ್ಥೆ ಗಳು ಹಲವು ಬಾರಿ ಮನವಿ ನೀಡಿ, ಹೋರಾಟ ಗಳನ್ನೂ ಮಾಡಿದ್ದರು. ಹೋರಾಟದಲ್ಲಿ ಮುಂಚೂಣಿಯಲ್ಲಿರುವ ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲಕ್ಕೆ ಕೆ.ಎಸ್‌.ಆರ್‌.ಟಿ.ಸಿ. ಮಂಗಳೂರು ವಿಭಾಗದ ನಿಯಂತ್ರಣಾಧಿಕಾರಿಗಳು ಪತ್ರ ಬರೆದಿದ್ದು, ಮಂಗಳೂರಿನಿಂದ ಮಣಿಪಾಲಕ್ಕೆ ಸಂಚರಿ ಸುವ ಎಲ್ಲ ವೋಲ್ವೋ ಬಸ್ಸುಗಳು ಹಳೆಯಂಗಡಿಯಲ್ಲಿ ರವಿವಾರದಿಂದಲೇ ನಿಲುಗಡೆ ಕಲ್ಪಿಸಿ, ಪ್ರಯಾಣಿಕರಿಗೆ ಸೇವೆ ನೀಡಲಿವೆ ಎಂದು ತಿಳಿಸಿದ್ದಾರೆ.

ಎಲ್ಲ ಖಾಸಗಿ ಎಕ್ಸ್‌ಪ್ರೆಸ್‌ ಬಸ್‌ಗಳಿಗೆ ಹಳೆಯಂಗಡಿಯಲ್ಲಿ ನಿಲುಗಡೆ ಕಲ್ಪಿಸ ಬೇಕೆಂಬ ಬೇಡಿಕೆಗೆ ಬಸ್‌ ಮಾಲೀಕರ ಸಂಘವು ಸ್ಪಂದಿಸಿ, ಕಾರ್ಕಳ ದಿಂದ ಸಂಚರಿಸುವ ಎಲ್ಲ ಬಸ್‌ಗಳಿಗೂ ನಿಲುಗಡೆ ಕಲ್ಪಿಸಿತ್ತು. ಇದರಿಂದ ಮಂಗಳೂರು- ಕಾರ್ಕಳ ಮಧ್ಯೆ ಪ್ರಯಾಣಿಸುವವರಿಗೆ ಅನುಕೂಲವಾಗಿತ್ತು. ಆದರೆ, ಉಡುಪಿ- ಮಣಿಪಾಲ ಕಡೆಗೆ ತೆರಳುವವರು ಮೂಲ್ಕಿ ಅಥವಾ ಕೋಲ್ನಾಡು  ನಿಲ್ದಾಣಕ್ಕೆ ತೆರಳಿ, ಎಕ್ಸ್‌ಪ್ರೆಸ್‌ ಬಸ್‌ ಹಿಡಿಯುತ್ತಿದ್ದರು. ಪ್ರತಿ 30 ನಿಮಿಷಗಳಿಗೊಂದರಂತೆ ಸಂಚರಿಸುವ ಸರಕಾರಿ ವೋಲ್ವೋ ಬಸ್‌ ನಿಲುಗಡೆಯಿಂದ ತುಂಬ ಅನುಕೂಲವಾಗಿದೆ ಎಂದು ಸಾರ್ವ ಜನಿಕರು ಪ್ರತಿಕ್ರಿಯಿಸಿದ್ದಾರೆ.

ಬೇಡಿಕೆ ಸಂಪೂರ್ಣ ಈಡೇರಲಿ 
ಸಾರ್ವಜನಿಕರ ಒಮ್ಮತದ ಹೋರಾಟದಿಂದ ಈ ಮೊದಲು ಕಾರ್ಕಳ ಬಸ್‌ಗಳಿಗೆ ನಿಲುಗಡೆಗೆ ಅವಕಾಶ ನೀಡಿದ್ದರು. ಇದೀಗ ಸರಕಾರಿ ವೋಲ್ವೋ ಬಸ್‌ಗಳ ನಿಲುಗಡೆಗೆ ಕ್ರಮ ಕೈಗೊಂಡಿದ್ದಾರೆ. ಮುಂದೆ ಮಣಿಪಾಲ, ಉಡುಪಿ, ಕುಂದಾಪುರ, ಭಟ್ಕಳಕ್ಕೆ ತೆರಳುವ ಎಲ್ಲ ಖಾಸಗಿ ಎಕ್ಸ್‌ಪ್ರೆಸ್‌ ಬಸ್‌ಗಳೂ ನಿಲುಗಡೆ ಆಗಬೇಕು. ಸರಕಾರಿ ನರ್ಮ್ ಬಸ್‌ಗಳೂ ಹಳೆಯಂಗಡಿಯತ್ತ ಸಂಚರಿಸಬೇಕು ಎಂಬ ಬೇಡಿಕೆ ಈಡೇರಿದಲ್ಲಿ ಮಾತ್ರ ನಮ್ಮ ಹೋರಾಟಕ್ಕೆ ಸೂಕ್ತ ಸ್ಪಂದನೆ ಸಿಕ್ಕಂತಾಗುತ್ತದೆ.

ಸುಧಾಕರ್‌ ಆರ್‌. ಅಮೀನ್‌
ಅಧ್ಯಕ್ಷರು, ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲ, ಹಳೆಯಂಗಡಿ