“ಡಾರ್ಲಿಂಗ್‌’ಎಂದಿದ್ದಕ್ಕೆ ಹಫೀಜ್‌ನಿಂದ ಮಾನನಷ್ಟ ಕೇಸ್‌

ಲಾಹೋರ್‌: ತನ್ನನ್ನು “ಅಮೆರಿಕದ ಡಾರ್ಲಿಂಗ್‌’ ಎಂದು ಕರೆದ ಪಾಕಿಸ್ಥಾನದ ವಿದೇಶಾಂಗ ಸಚಿವ ಖ್ವಾಜಾ ಆಸಿಫ್ ಅವರ ವಿರುದ್ಧ ಮುಂಬಯಿ ದಾಳಿ ರೂವಾರಿ ಹಫೀಜ್‌ ಸಯೀದ್‌ ಬರೋಬ್ಬರಿ 10 ಕೋಟಿ ರೂ. ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದಾನೆ.

ನ್ಯೂಯಾರ್ಕ್‌ನಲ್ಲಿ ಕಳೆದ ಮಂಗಳವಾರ ನಡೆದ ಏಷ್ಯಾ ಸೊಸೈಟಿ ಫೋರಂನ ಸಮ್ಮೇಳನದಲ್ಲಿ ಪಾಲ್ಗೊಂಡು ಮಾತನಾಡುವ ವೇಳೆ, ಹಕ್ಕಾನಿ, ಲಷ್ಕರ್‌ ವಿರುದ್ಧ ಸಚಿವ ಆಸಿಫ್ ಕಿಡಿಕಾರಿದ್ದರು. ಅಷ್ಟೇ ಅಲ್ಲ, ಲಷ್ಕರ್‌ ಸಂಘಟನೆ ಬೆಂಬಲಿಸಿಕೊಂಡು ಬಂದ ಜಮಾತ್‌ ಉದ್‌ -ದಾವಾ ಮುಖ್ಯಸ್ಥ ಹಫೀಜ್‌ ಸಯೀದ್‌ “ನಿಮ್ಮ ಪ್ರೀತಿ ಪಾತ್ರರಾಗಿದ್ದು’, ಈಗ ಅವರನ್ನು ತಿರಸ್ಕರಿಸುತ್ತಿದ್ದೀರಿ ಎಂದು ಅಮೆರಿಕವನ್ನು ಉದ್ದೇಶಿಸಿ ಹೇಳಿದ್ದರು.

ಪಕ್ಷ ನೋಂದಣಿಗೆ ವಿರೋಧ: ಇದೇ ವೇಳೆ, ಉಗ್ರ ಹಫೀಜ್‌ನ ರಾಜಕೀಯ ಪಕ್ಷವನ್ನು ನೋಂದಣಿ ಮಾಡಿಕೊಳ್ಳದಂತೆ ಚುನಾವಣಾ ಆಯೋಗವನ್ನು ಪಾಕ್‌ ಸರಕಾರ ಒತ್ತಾಯಿಸಿದೆ.

ಅಲ್‌ಕಾಯಿದಾ ಸದಸ್ಯ ದೋಷಿ: ಪಾಕಿಸ್ಥಾನದಲ್ಲಿ ತರಬೇತಿ ಪಡೆದು, ಅಫ್ಘಾನಿಸ್ಥಾನ, ಅಮೆರಿಕದ ಸೇನಾನೆಲೆ ಸಹಿತ ಹಲವಾರು ಭಯೋತ್ಪಾದಕ ದಾಳಿಯಲ್ಲಿ ಭಾಗಿಯಾಗಿದ್ದ ಆರೋಪದಲ್ಲಿ ಅಮೆರಿಕದ ಅಲ್‌ಕಾಯಿದಾ ಉಗ್ರ ಸಂಘಟನೆಯ ಸದಸ್ಯ ಮಹಮ್ಮದ್‌ ಅಲ್‌ ಫ‌ರೇಕ್‌ನನ್ನು ಇಲ್ಲಿನ ಸ್ಥಳೀಯ ನ್ಯಾಯಾಲಯ ದೋಷಿ ಎಂದು ತೀರ್ಪು ನೀಡಿದೆ.