ಗುಂಡ್ಲುಪೇಟೆ: 299 ಅಂಗನವಾಡಿ ಪುನರ್‌ ಆರಂಭ

ಗುಂಡ್ಲುಪೇಟೆ: ಅಂಗನವಾಡಿ ತೆರೆಯಲು ಸರ್ಕಾರ ಅನುಮತಿ ನೀಡಿದ ಹಿನ್ನೆಲೆ ತಾಲೂಕಿನ 299 ಅಂಗನವಾಡಿ ಕೇಂದ್ರಗಳನ್ನು ಸೋಮವಾರದಿಂದ ಪುನರ್‌ ಆರಂಭ ಮಾಡಲಾಗಿದೆ ಎಂದು ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಚಲುವರಾಜು ಮಾಹಿತಿ ನೀಡಿದರು.

ತಾಲೂಕಿನ ಮಡಹಳ್ಳಿ, ಚಿಕ್ಕತುಪ್ಪೂರು, ಕಿಲಗೆರೆ, ಚೆನ್ನಂಜಯ್ಯನಹುಂಡಿ ಅಂಗನವಾಡಿ ಕೇಂದ್ರಗಳಿಗೆ ಸಾಂಕೇತಿಕವಾಗಿ ಭೇಟಿ ನೀಡಿ ಮಕ್ಕಳಿಗೆ ಗುಲಾಬಿ ಹೂ ಹಾಗೂ ಸಿಹಿ ನೀಡಿ ಅಂಗನವಾಡಿ ಮಕ್ಕಳನ್ನು ಸ್ವಾಗತಿಸಿ ಮಾತನಾಡಿದರು.

ಮಧ್ಯಾಹ್ನ 12ರ ತನಕ: ತಾಲೂಕಿನ ಎಲ್ಲಾ ಅಂಗನವಾಡಿ ಕಟ್ಟಡ ಸ್ವಚ್ಛತೆ ಹಾಗೂ ಸ್ಯಾನಿಟೈಸರ್‌ ಮಾಡಿಸ ಲಾಗಿದೆ. ಸರ್ಕಾರದ ಮಾರ್ಗಸೂಚಿ ಪ್ರಕಾರ ಅಂಗನವಾಡಿ ಕೇಂದ್ರ ಆರಂಭಿಸಲಾಗಿದೆ. ಬೆಳಗ್ಗೆ 10 ಗಂಟೆಯಿಂದ 12 ಗಂಟೆ ತನಕ ಅಂಗನವಾಡಿ ಕೇಂದ್ರ ತೆರೆದಿರುತ್ತವೆ ಎಂದರು.

ಬಾಲ ವಿಕಾಸ ಸಮಿತಿ ಅಧ್ಯಕ್ಷ ಬಸವಶೆಟ್ಟಿ, ಸದಸ್ಯರ ಸುಗಣ, ಸಹಾಯಕ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ತಿಬ್ಬಯ್ಯ, ಹಿರಿಯ ಮೇಲ್ವಿಚಾರಕರಾದ ರುದ್ರವ್ವ, ಸೋನಿಯ ಬೇಗಂ, ರಾಷ್ಟ್ರೀಯ ಪೋಷಣ್‌ ಅಭಿಯಾನದ ಸಂಯೋಜಕ ಚಾಂದನಿ, ಸಹಾಯಕ ಸಂಯೋಜಕ ಸಂತೋಷ, ಅಂಗನವಾಡಿ ಕಾರ್ಯಕರ್ತೆ ಮಹೇಶಮ್ಮ, ಸಹಾಯಕಿ ಜ್ಯೋತಿ ಇದ್ದರು.