ಅರ್ಹ ಅತಿಥಿ ಉಪನ್ಯಾಸಕರನ್ನು ಖಾಯಂಗೊಳಿಸಲು ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿಗೆ ಮನವಿ

ಶಿರಸಿ: ಮೂರು ವರ್ಷಗಳಕ್ಕಿಂತಲೂ ಹೆಚ್ಚು ಅನುಭವ ಹೊಂದಿದ ಅರ್ಹ ಉಪನ್ಯಾಸಕರನ್ನು ಖಾಯಂ ಗೊಳಿಸಿ ಎಂದು ನಗರದ ಮಾರಿಕಾಂಬಾ ಕಾಲೇಜ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅತಿಥಿ ಉಪನ್ಯಾಸಕರು ವಿಧಾನಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಗೆ ಮನವಿ ಸಲ್ಲಿಸಿದರು.

ಅರ್ಹರಲ್ಲದವರಿಗೂ ಕಾಲಾವಕಾಶ ನೀಡಿ ಖಾಯಂ ಮಾಡುವುದು. ( ಶಂಕರ್ ರಾವ್  ರವರು ಖಾಯಂ ಗೊಳಿಸಿದಂತೆ ಅಥವಾ ಜೆ.ಇ.ಒ ದಲ್ಲಿ ಮಾಡಿದಂತೆ) ಅಸಾಧ್ಯ ವಾದಲ್ಲಿ ಶಿಕ್ಷಣ ಕ್ಷೇತ್ರದಲ್ಲಿ ಅನುಭವದಿಂದಲೇ ಪ್ರೌಢಿಮೆ ಹಾಗೂ ಶಿಕ್ಷಣದ ಮಟ್ಟ ಹೆಚ್ಚುವುದರಿಂದ ಅನುಭವವನ್ನು ಮುಖ್ಯವಾಗಿಸಿಕೊಂಡು ಪ್ರತೀ ವರ್ಷಕ್ಕೆ 5 ಅಂಕವನ್ನು ನೀಡಿ ಗರಿಷ್ಠ 15ವರ್ಷಗಳ ವರೆಗೆ ಅನುವು ಮಾಡಿಕೊಟ್ಟು ಶಿಕ್ಷಕರ ನೇಮಕಾತಿ ಪರೀಕ್ಷೆಯಲ್ಲಿ ಉತ್ತೀರ್ಣವಾಗುವುದಕ್ಕೆ ಸಹಕರಿಸಬೇಕು. ಹೆಚ್ಚು ವಿದ್ಯಾರ್ಥಿಗಳು ಇರುವ ಮಾರಿಕಾಂಬಾ ಕಾಲೇಜ್ ನಲ್ಲಿ  ಕಾರ್ಯಭಾರವೂ ಹೆಚ್ಚಿರುತ್ತದೆ. ಆ ಕಾರಣಕ್ಕಾಗಿ ಬೇರೆ ಕಾಲೇಜಿಗೆ ಹೋಲಿಸದೇ ನಮ್ಮ ವೇತನವನ್ನು ಹೆಚ್ಚಿಸ ಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಲಾಗಿದೆ.

ಈ ಸಂದರ್ಭದಲ್ಲಿ ಅತಿಥಿ ಉಪನ್ಯಾಸಕರುಗಳಾದ ಭವ್ಯಾ ಹಳೆಯೂರು ಸುಪ್ರೀಯಾ ಭಟ್, ದಿವ್ಯಾ ಶೇಟ್, ಆರತಿ ಭಟ್ಟ, ಕಾಂತಿ ಹೆಗಡೆ,  ಮುಕಾಂಬೆ ನಾಯ್ಕ್, ಭಾರತಿ ನಾಯ್ಕ್ ಇದ್ದರು.