ಸ್ವಾತಂತ್ರ್ಯ ಹೋರಾಟಗಾರ ವೀರ ಸಾವರ್ಕರ್‌ ಕುರಿತಾದ ವಿಶೇಷ ಸಂಚಿಕೆ

ನವದೆಹಲಿ: ರಾಷ್ಟ್ರೀಯ ಸ್ಮಾರಕ ಮತ್ತು ವಸ್ತುಸಂಗ್ರಹಾಲಯವು ತನ್ನ ಮಾಸಿಕ ಪತ್ರಿಕೆಯಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ವೀರ ಸಾವರ್ಕರ್‌ ಅವರಿಗೆ ಸಮರ್ಪಿತವಾಗಿ ವಿಶೇಷ ಸಂಚಿಕೆ ತಂದಿದೆ.

ಜೂನ್‌ ತಿಂಗಳ ಪತ್ರಿಕೆಯನ್ನು ಸಾವರ್ಕರ್‌ ವಿಶೇಷವಾಗಿಸಲಾಗಿದೆ. ಪತ್ರಿಕೆಯನ್ನು ಸಂಸ್ಕೃತಿ ಸಚಿವಾಲಯದ ಗಾಂಧಿ ಸ್ಮತಿ ಮತ್ತು ದರ್ಶನ ಸಮಿತಿಯು ಹೊರತಂದಿದೆ.

ಈ ಸಮಿತಿಗಳಿಗೆ ಪ್ರಧಾನಿ ನರೇಂದ್ರ ಮೋದಿಯವರು ಅಧ್ಯಕ್ಷರಾಗಿದ್ದಾರೆ. ಸಂಚಿಕೆಯಲ್ಲಿ ಹಿಂದುತ್ವದ ನಾಯಕ ವೀರ ಸಾವರ್ಕರ್‌ ಅವರನ್ನು ಅದ್ಭುತ ದೇಶಭಕ್ತ ಎಂದು ವರ್ಣಿಸಲಾಗಿದ್ದು, ಅವರು ಗಾಂಧಿ ಅವರಿಗಿಂತ ಕಡಿಮೆ ಸಾಮರ್ಥ್ಯದವರಲ್ಲ ಎಂದು ಬಣ್ಣಿಸಲಾಗಿದೆ.