ಎಂಎಸ್‌ಪಿ:  ಭತ್ತ  ರಾಗಿಗೆ ಬೆಂಬಲ ಬೆಲೆಗೆ ಇಂದು ನಿರ್ಧಾರ

ನವದೆಹಲಿ: ಪ್ರತಿ ಕ್ವಿಂಟಲ್‌ ಭತ್ತಕ್ಕೆ ಕನಿಷ್ಠ 200 ರೂ., ರಾಗಿಗೆ ಪ್ರತಿ ಕ್ವಿಂಟಲ್‌ಗೆ 900 ರೂ. ಹೆಚ್ಚಿಸುವುದರ ಬಗ್ಗೆ ಬುಧವಾರ ನಡೆಯಲಿರುವ ಆರ್ಥಿಕ ವ್ಯವಹಾರಗಳಿಗಾಗಿನ ಕೇಂದ್ರ ಸಂಪುಟ ಸಮಿತಿ ಸಭೆ (ಸಿಸಿಇಎ) ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ. ಮಳೆಗಾಲದ 14 ಬೆಳೆಗಳ ಪೈಕಿ ಹೆಚ್ಚಿನ ಪ್ರಮಾಣದ ಬೆಂಬಲ ಬೆಲೆ ರಾಗಿಗೆ ಸಿಗುವ ಸಾಧ್ಯತೆ ಇದೆ. ಕಳೆದ ವಾರವಷ್ಟೇ ಪ್ರಧಾನಿ ಮೋದಿ ಈ ಬಗ್ಗೆ ಪ್ರಸ್ತಾಪ ಮಾಡಿದ್ದರು. ಜತೆಗೆ ದೇಶಾದ್ಯಂತ ಡಿಎನ್‌ಎ ಮಾಹಿತಿ ಬ್ಯಾಂಕ್‌ ಆರಂಭಿಸುವ ಬಗ್ಗೆ ಇರುವ ವಿಧೇಯಕದ  ಬಗ್ಗೆಯೂ ಸಭೆಯಲ್ಲಿ ಚರ್ಚೆ ನಡೆಸಲಿದೆ. ರಾಜ್ಯಗಳಲ್ಲಿಯೂ ಡಿಎನ್‌ಎ ಬ್ಯಾಂಕ್‌ ಆರಂಭಿಸುವ ಬಗ್ಗೆ ಪ್ರಸ್ತಾವಿತ ವಿಧೇಯಕದಲ್ಲಿದೆ.