Advertisement
ಪ್ರಸಕ್ತ ಸಾಲಿನಿಂದಲೇ ಈ ಯೋಜನೆ ಅನುಷ್ಠಾನಕ್ಕೆ ಬರಲಿದ್ದು, ದಸರಾ ರಜೆ ಮುಗಿದ ನಂತರ ಅಕ್ಟೋಬರ್ ಅಂತ್ಯದೊಳಗೆ ಸರ್ಕಾರಿ ಶಾಲೆಗಳ ಒಂದರಿಂದ ಹತ್ತನೇ ತರಗತಿಯ ಎಲ್ಲ ವಿದ್ಯಾರ್ಥಿಗಳಿಗೂ ಡೈರಿ ಸಿಗಲಿದೆ. ಈಗಾಗಲೇ ಡೈರಿ ಮುದ್ರಣಕ್ಕೆ ರಾಜ್ಯ ಸರ್ಕಾರ ಅನುಮತಿ ಸಹ ನೀಡಿದೆ.
ಸರ್ಕಾರಿ ಶಾಲಾ ವಿದ್ಯಾರ್ಥಿಗಳ ಶೈಕ್ಷಣಿಕ ಅನುಕೂಲ ಹಾಗೂ ಪಾಲಕ, ಪೋಷಕರು ಮತ್ತು ಶಿಕ್ಷಕರ ನಡುವಿನ ನಿಯಮತಿ ಸಂವಾಹನಕ್ಕೆ ಪೂರಕವಾಗಿಸಲು ಎಲ್ಲ ವಿದ್ಯಾರ್ಥಿಗಳಿಗೂ ಡೈರಿ ನೀಡುವ ಅವಶ್ಯಕತೆ ಇದೆ ಎಂಬ ಅಂಶವನ್ನು ಉಲ್ಲೇಖೀಸಿ ಸಾರ್ವಜನಿಕ ಶಿಕ್ಷಣ ಇಲಾಖೆಯಿಂದ ವಿಸ್ತೃತವಾದ ಪ್ರಸ್ತಾವನೆ ಸರ್ಕಾರಕ್ಕೆ ಸಲ್ಲಿಸಲಾಗಿತ್ತು. ಸರ್ಕಾರದಿಂದ ಅದರ ಪರಿಶೀಲನೆ ನಡೆಸಿ, ಇತ್ತೀಚೆಗೆ ಒಪ್ಪಿಗೆ ನೀಡಲಾಗಿದೆ.
Related Articles
Advertisement
ಸರ್ಕಾರಿ ಶಾಲೆಯ ಎಲ್ಲ ವಿದ್ಯಾರ್ಥಿಗಳಿಗೆ ಕರ್ನಾಟಕ ಪಠ್ಯಪುಸ್ತಕ ಸಂಘದಿಂದ ಡೈರಿ ವಿತರಣೆ ಮಾಡಲಾಗುತ್ತದೆ. ವಿದ್ಯಾರ್ಥಿಗಳಿಗೆ ಬೇಕಿರುವ ಎಲ್ಲ ಡೈರಿಗಳ ಮುದ್ರಣ ಕಾರ್ಯ ಆರಂಭವಾಗಿದೆ. ಮುದ್ರಣ ಪ್ರಕ್ರಿಯೆ ಪೂರ್ಣಗೊಂಡ ನಂತರ, ಜಿಲ್ಲಾ ಉಪನಿರ್ದೇಶಕರ ಮೂಲಕ, ಕ್ಷೇತ್ರಶಿಕ್ಷಣಾಧಿಕಾರಿಗಳ ಸಹಕಾರದೊಂದಿಗೆ ಎಲ್ಲ ಶಾಲೆಗಳಿಗೂ ವಿತರಣೆಯಾಗಲಿದೆ. ಪ್ರಸಕ್ತ ಸಾಲಿನ ಶೈಕ್ಷಣಿಕ ವರ್ಷದ ಅರ್ಧಭಾಗ ಬಹುತೇಕ ಮುಗಿದಿದೆ. ಅಲ್ಲದೆ, ಅಕ್ಟೋಬರ್ ಮೊದಲ ವಾರದಿಂದ ದಸರಾ ರಜೆ ಕೂಡ ಆರಂಭವಾಗಲಿದೆ. ಹೀಗಾಗಿ ದಸರಾ ರಜೆ ಮುಗಿದ, ಶಾಲಾ ಪುರನಾರಂಭದ ಸಂದರ್ಭದಲ್ಲಿ ಡೈರಿ ವಿತರಣೆ ಮಾಡಲಾಗುವುದು ಎಂದು ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.
ಡೈರಿಯಲ್ಲಿ ಏನೇನಿದೆ?ವಿದ್ಯಾರ್ಥಿಗಳ ನಿತ್ಯದ ಚುಟುವಟಿಕೆ, ರಜಾದಿನಗಳು, ಪ್ರಮುಖ ಹಬ್ಬಗಳು, ಖ್ಯಾತ ವ್ಯಕ್ತಿಗಳ ಜನ್ಮದಿನದ ಮಾಹಿತಿಯ ಜತೆಗೆ ಶೈಕ್ಷಣ ವ್ಯವಸ್ಥೆಯ ಸುಧಾರಣೆಗೆ ಪಾಲಕ, ಪೋಷಕರು ಸಲಹೆಗಳನ್ನು ನೀಡಬಹುದಾದ ವ್ಯವಸ್ಥೆ ಡೈರಿಯಲ್ಲಿದೆ. ಪಠ್ಯದ ಜತೆಗೆ ಪಠ್ಯೇತರ ಚಟುವಟಿಕೆಗೆ ಸಂಬಂಧಿಸಿದ ಹೋಂವರ್ಕ್ ಮಾಹಿತಿ, ಪ್ರಗತಿ ಪರಿಶೀಲನೆಯ ವಿವರವೂ ಡೈರಿಯಲ್ಲಿ ಇರಲಿದೆ. ವಿದ್ಯಾರ್ಥಿಗಳು ನಿತ್ಯವೂ ಪಠ್ಯಪುಸ್ತಕದ ಜತೆಗೆ ಡೈರಿಯನ್ನು ಶಾಲೆಗೆ ಕೊಂಡೊಯ್ಯಬೇಕು. ಕಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಇದರಿಂದ ಹೆಚ್ಚು ಅನುಕೂಲವಾಗಲಿದೆ. ಸರ್ಕಾರಿ ಶಾಲಾ ಮಕ್ಕಳಿಗೆ ಡೈರಿ ವಿತರಣೆಗೆ ಸರ್ಕಾರ ಅನುಮತಿ ನೀಡಿದೆ. ಕರ್ನಾಟಕ ಪಠ್ಯಪುಸ್ತಕ ಸಂಘದಲ್ಲಿ ಮುದ್ರಣ ಕಾರ್ಯ ಆರಂಭವಾಗಿದೆ. ವಿದ್ಯಾರ್ಥಿಗಳ ಶೈಕ್ಷಣಿಕ ಅನುಕೂಲಕ್ಕೆ ಬೇಕಾದ ಅಂಶಗಳು ಡೈರಿಯಲ್ಲಿರಲಿದೆ. ಈ ಶೈಕ್ಷಣಕ ವರ್ಷದಲ್ಲೇ ವಿತರಣೆ ನಡೆಯಲಿದೆ.
– ಶಾಲಿನಿ ರಜನೀಶ್, ಪ್ರಧಾನ ಕಾರ್ಯದರ್ಶಿ, ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣ ಇಲಾಖೆ. – ರಾಜು ಖಾರ್ವಿ ಕೊಡೇರಿ