ನಿಮ್ಮ ಪ್ರಯಾಣದ ಮಾಹಿತಿ ಇನ್ನು ಗೂಗಲ್‌ ಮ್ಯಾಪ್‌ನಲ್ಲಿ!

ವಾಷಿಂಗ್ಟನ್‌: ಗೂಗಲ್‌ ಸಂಸ್ಥೆಯು ಗೂಗಲ್‌ ಮ್ಯಾಪ್‌ ಆ್ಯಪ್‌ನಲ್ಲಿ ಸಾಕಷ್ಟು ಅಪ್‌ಡೇಟ್‌ಗಳನ್ನು ತಂದಿದ್ದು, ಆ್ಯಪ್‌ನ್ನು ಇನ್ನಷ್ಟು ಗ್ರಾಹಕ ಸ್ನೇಹಿಯಾಗಿಸಿದೆ.

ಬೆಂಗಳೂರು ಸೇರಿ ಭಾರತದ ಒಟ್ಟು 10 ಪ್ರಮುಖ ನಗರಗಳಿಗೆ “ಸ್ಟ್ರೀಟ್‌ ವ್ಯೂ’ ಸೌಲಭ್ಯವನ್ನು ಆರಂಭಿಸಲಾಗಿದೆ. ಹಾಗೆಯೇ ನಗರಗಳಲ್ಲಿ ಸೈಕಲ್‌ಗೆಂದು ನಿರ್ಮಿಸಲಾಗಿರುವ ವಿಶೇಷ ಪಥವನ್ನೂ ಗೂಗಲ್‌ ಮ್ಯಾಪ್‌ ತೋರಿಸಲಿದೆ.

ಈವರೆಗೆ ಲೊಕೇಶನ್‌ ಹಂಚಿಕೊಳ್ಳುವ ಅವಕಾಶ ಮಾತ್ರವೇ ಇತ್ತು. ಆದರೆ ಇನ್ನು ಮುಂದೆ ನೀವು ನಿಮ್ಮ ಸ್ನೇಹಿತರು ಎಲ್ಲಿದ್ದಾರೆ ಎಂದು ನೋಡುವುದರ ಜತೆ, ಅವರು ನಿಗದಿತ ಸ್ಥಳಕ್ಕೆ ತಲುಪಿದ ತಕ್ಷಣ ಅಥವಾ ನಿಗದಿತ ಸ್ಥಳದಿಂದ ಹೊರಟ ತಕ್ಷಣ ನಿಮಗೆ ನೋಟಿಫಿಕೇಶನ್‌ ಬರುವಂತೆಯೂ ಮಾಡಿಕೊಳ್ಳಬಹುದು. ಈ ಎಲ್ಲ ಸೌಲಭ್ಯಗಳನ್ನು ಗೂಗಲ್‌ ಮ್ಯಾಪ್‌ ಹೊಸದಾಗಿ ಸೇರಿಸಿಕೊಂಡಿದೆ.