ಕುಂದಾಪುರದೆಲ್ಲೆಡೆ ಉತ್ತಮ ಮಳೆ

ಕುಂದಾಪುರ: ಬೈಂದೂರು, ಕುಂದಾಪುರ ತಾಲೂಕಿನೆಲ್ಲೆಡೆ ಸೋಮವಾರ ಮಧ್ಯಾಹ್ನದ ಅನಂತರ ಉತ್ತಮ ಮಳೆಯಾಗಿದೆ. ಬೆಳಗ್ಗಿನಿಂದ ಮಧ್ಯಾಹ್ನದ ವರೆಗೆ ಕೊಂಚ ಕಡಿಮೆಯಿದ್ದ ಮಳೆ, ಮಧ್ಯಾಹ್ನದಿಂದ ಸಂಜೆಯವರೆಗೂ ಜೋರಾಗಿತ್ತು.

ಕುಂದಾಪುರ, ಕೋಟೇಶ್ವರ, ತೆಕ್ಕಟ್ಟೆ, ಸಿದ್ದಾಪುರ, ವಂಡ್ಸೆ, ನೇರಳಕಟ್ಟೆ, ಗಂಗೊಳ್ಳಿ, ಹೆಮ್ಮಾಡಿ, ಮರವಂತೆ, ಬೈಂದೂರು, ಉಪ್ಪುಂದ, ಕೊಲ್ಲೂರು, ಹಾಲಾಡಿ, ಬಿದ್ಕಲ್‌ಕಟ್ಟೆ, ಜನ್ನಾಡಿ, ಹುಣ್ಸೆಮಕ್ಕಿ, ಹೊಸಂಗಡಿ, ಸಿದ್ದಾಪುರ, ಗೋಳಿಯಂಗಡಿ, ಅಮಾಸೆ ಬೈಲು ಸಹಿತ ಎಲ್ಲ ಕಡೆಗಳಲ್ಲಿ ಭಾರೀ ಮಳೆಯಾಗಿದೆ. ಕಡಲಬ್ಬರ ಜೋರಾಗಿತ್ತು.

ಉಡುಪಿಯಲ್ಲೂ ಮಳೆ
ಉಡುಪಿ: ನಗರ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲೂ ಸೋಮವಾರ ಉತ್ತಮ ಮಳೆ ಸುರಿಯಿತು. ಬೆಳಗ್ಗಿ ನಿಂದಲೇ ಮೋಡಕವಿದ ವಾತಾವರಣ ಆವರಿಸಿತ್ತು. ಮಧ್ಯಾಹ್ನದ ಬಳಿಕ ಧಾರಾ ಕಾರ ಮಳೆ ಸುರಿಯಲಾರಂಭಿಸಿತು. ಬ್ರಹ್ಮಾವರ, ಸಾಲಿಗ್ರಾಮ, ಕಾರ್ಕಳ, ಪಡುಬಿದ್ರಿ, ಕಾಪು, ಕಟಪಾಡಿ, ಉದ್ಯಾವರ, ಹಿರಿಯಡಕ, ಮಣಿಪಾಲ ಭಾಗಗಳಲ್ಲಿ ಮಳೆಯಾಗಿದೆ.