Advertisement
ಉಡುಪಿ ಜಿಲ್ಲೆ: ಮಳೆ ಬಿರುಸುಉಡುಪಿ ಜಿಲ್ಲೆಯ ಉಡುಪಿ, ಮಣಿಪಾಲ, ಕಾಪು, ಪಡುಬಿದ್ರಿ, ಕಾರ್ಕಳ, ಹೆಬ್ರಿ, ಕುಂದಾಪುರ, ಬೈಂದೂರು, ಬ್ರಹ್ಮಾವರ ಮೊದ ಲಾದೆಡೆ ಉತ್ತಮ ಮಳೆಯಾಗಿದೆ.
ಕುರ್ನಾಡು ಗ್ರಾ. ಪಂ. ವ್ಯಾಪ್ತಿಯ ಮಿತ್ತ ಕೋಡಿ ಅಮೃತ ಕಲ್ಪ ಎಂಬಲ್ಲಿ ಮುಡಿಪು- ಮೆಲ್ಕಾರ್‌ ಮುಖ್ಯರಸ್ತೆ ಮೇಲೆ ಗುಡ್ಡ ಕುಸಿದು ಸಂಚಾರ ಅಸ್ತವ್ಯಸ್ತವಾಯಿತು. ಸೋಮವಾರ ಸಂಜೆಯಿಂದ ಧಾರಾಕಾರ ಮಳೆ ಸುರಿದಿತ್ತು. ಮಂಗಳವಾರ ಬೆಳಗ್ಗಿನ ಜಾವ ಕುರ್ನಾಡು ಬಳಿ ಗುಡ್ಡ ಕುಸಿದಿದ್ದು, ಮುಡಿಪುವಿನಿಂದ ಬಿ.ಸಿ. ರೋಡ್‌ ಕಡೆ ಸಂಚರಿಸುವ ವಾಹನಗಳಿಗೆ ತಡೆಯಾಯಿತು. ಈ ವ್ಯಾಪ್ತಿಯಲ್ಲಿ ಸಂಚರಿಸುವ ವಾಹನಗಳು ಬೋಳಿಯಾರ್‌ ಕುರ್ನಾಡು ಮಾರ್ಗವಾಗಿ ಮುಡಿಪು ಮತ್ತು ಬಿ.ಸಿ.ರೋಡ್‌ ಕಡೆ ಸಂಚಾರ ನಡೆಸಿದವು. ಕೊಣಾಜೆ: ಮನೆ ಭಾಗಶಃ ಕುಸಿತ
ಕೊಣಾಜೆ ಸಮೀಪದ ದಾಸರ ಮೂಲೆ ಬಳಿ ಆವರಣಗೋಡೆ ಕುಸಿದು ಮನೆಯೊಂದಕ್ಕೆ ಭಾಗಶಃ ಹಾನಿಯಾಗಿದ್ದು, ಮನೆಯಲ್ಲಿ ಮಲಗಿದ್ದವರು ಪವಾಡ ಸದೃಶವಾಗಿ ಪಾರಾಗಿದ್ದಾರೆ. ಕೊಣಾಜೆ ವ್ಯಾಪ್ತಿಯ ಗುಡ್ಡುಪಾಲ್‌ ಮತ್ತು ಕಂಬÛಕೋಡಿ ಬಳಿ, ಬಂಟ್ವಾಳ ಬಿ. ಮೂಡ ಗ್ರಾಮದ ಬಿ.ಸಿ. ರೋಡ್‌ ಮಯ್ಯರಬೈಲು ಎಂಬಲ್ಲಿ ಗುಡ್ಡ ಕುಸಿದು ಮನೆಗಳಿಗೆ ಹಾನಿಯಾಗಿದೆ. ಮಂಜನಾಡಿಯಲ್ಲಿ ಒಂದು ಮನೆಯ ಬಚ್ಚಲು ಮನೆಗೆ ಹಾನಿಯಾಗಿದೆ. ಕೋಟೆಕಾರಿನಲ್ಲಿ ಕೃತಕ ನೆರೆಯಿಂದ ನಾಲ್ಕು ಮನೆಗಳು ಜಲಾವೃತವಾಗಿವೆ.
Related Articles
ಭಾರೀ ಮಳೆಗೆ ಕೋಟೆಕಾರು ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದಿಂದ ಪಾಡಂಗರ ಭಗವತೀ ಕ್ಷೇತ್ರದವರೆಗೆ ರಸ್ತೆ ಜಲಾವೃತಗೊಂಡು ಸುಮಾರು 150ರಷ್ಟು ಮನೆಗಳ ಸಂಪರ್ಕ ಕಡಿತಗೊಂಡಿತ್ತು. ಜಿ. ಪಂ. ನಿಧಿಯಡಿ ಸ್ಥಳೀಯ ತೊರೆಗೆ ಕಿಂಡಿ ಅಣೆಕಟ್ಟು ನಿರ್ಮಿಸಿದ್ದು, ಕಸಕಡ್ಡಿ ಶೇಖರಣೆಯಾಗಿ ನೀರು ಹೆಚ್ಚಾಗಿ ರಸ್ತೆಗೆ ನುಗ್ಗಿದೆ. ಸುಮಾರು 50ಕ್ಕೂ ಹೆಚ್ಚು ಮನೆಗಳ ಮೆಟ್ಟಿಲುಗಳ ವರೆಗೆ ನೀರು ಬಂದಿದೆ.
Advertisement
ಅಧಿಕಾರಿಗಳಿಗೆ ತರಾಟೆಎರಡು ದಿನಗಳಲ್ಲಿ ಸಮಸ್ಯೆ ಬಗೆಹರಿಯದಿದ್ದರೆ ಉಗ್ರ ಪ್ರತಿಭಟನೆ ನಡೆಸಲಾಗುವುದು ಎಂದು ಸ್ಥಳೀಯರು ಅಧಿಕಾರಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ. ಕುಮ್ರಗೋಡು: ಮನೆ ಭಾಗಶಃ ಕುಸಿತ
ಭಾರೀ ಮಳೆಯ ಪರಿಣಾಮ ಬ್ರಹ್ಮಾವರ ಸನಿಹದ ಕುಮ್ರಗೋಡಿನ ಕಮಲಾ ಪೂಜಾರ್ತಿ ಅವರ ಮನೆ ಭಾಗಶಃ ಕುಸಿದಿದೆ. ಉಳಿದ ಭಾಗದಲ್ಲೂ ಬಿರುಕು ಬಂದಿದೆ. ಮನೆಯ ಸದಸ್ಯರು ಅಪಾಯದಿಂದ ಪಾರಾಗಿದ್ದಾರೆ. ಘಟನೆಯಿಂದ ಲಕ್ಷಾಂತರ ರೂ. ನಷ್ಟ ಅಂದಾಜಿಸಲಾಗಿದೆ. ನಿರಂತರ ಮಳೆಯಿಂದಾಗಿ ಚರಂಡಿ ವ್ಯವಸ್ಥೆಯಿಲ್ಲದ ಕಾರಣ ಗಂಗೊಳ್ಳಿಯ ಸುಲ್ತಾನ್‌ಕೇರಿಯ 10ಕ್ಕೂ ಹೆಚ್ಚು ಮನೆಗಳೊಳಗೆ ಮಂಗಳವಾರ ಮಳೆ ನೀರು ನುಗ್ಗಿ, ಜನ ತೊಂದರೆ ಅನುಭವಿಸಿದ್ದಾರೆ.