ʻದಿ ಕಪಿಲ್‌ ಶರ್ಮಾ ಶೋʼದಲ್ಲಿ ಗೋಲ್ಡನ್‌ ಸ್ಟಾರ್‌ ಭಾಗಿ

ಬೆಂಗಳೂರು: ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಬಾಲಿವುಡ್‌ನ ಖ್ಯಾತ ಕಾಮಿಡಿಯನ್‌ ʻದಿ ಕಪಿಲ್‌ ಶರ್ಮಾ ಶೋʼ ಖ್ಯಾತಿಯ ಕಪಿಲ್‌ ಶರ್ಮಾರನ್ನು ಭೇಟಿಯಾಗಿದ್ದಾರೆ. ಅಷ್ಟೇ ಅಲ್ಲದೆ ಅವರ ಶೋದಲ್ಲಿ ಭಾಗವಹಿಸಿದ್ದಾರೆ.ಕಪಿಲ್‌ ಶರ್ಮಾ ಅವರನ್ನು ಭೇಟಿಯಾಗಿರುವ ಬಗ್ಗೆ ಸಂತಸ ವ್ಯಕ್ತಪಡಿಸಿದ ಗೋಲ್ಡನ್‌ ಸ್ಟಾರ್‌ ಆ ಬಗೆಗಿನ ವೀಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ.

ನನ್ನ ಅತ್ಯಂತ ಇಷ್ಟವಾದ ಶೋದಲ್ಲಿ ನಾನೂ ಭಾಗಿಯಾಗುತ್ತಿರುವುದು ಸಂತಸ ತಂದಿದೆ ಎಂದು ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ. ಅಲ್ಲದೆ ಕಪಿಲ್‌ ಶರ್ಮಾ ಅವರಿಗೆ ಧನ್ಯವಾದವನ್ನೂ ತಿಳಿಸಿದ್ದಾರೆ.

ಈ ಮೊದಲು ಕಿಚ್ಚ ಸುದೀಪ್‌ ಕೂಡಾ ಕಪಿಲ್‌ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ರು. ಕಿಚ್ಚನ ನಂತರ ಈಗ ಗಣೇಶ್‌ ಕೂಡಾ ಕಪಿಲ್‌ ಶೋದಲ್ಲಿ ಭಾಗವಹಿಸಿದ್ದು ಅಭಿಮಾನಿಗಳಿಗೆ ಸಂತಸ ತಂದಿದೆ.

ಫೆ.18 ರಿಂದ ಸೆಲೆಬ್ರಿಟಿ ಕ್ರಿಕೆಟ್‌ ಲೀಗ್‌ 2023 ಆರಂಭವಾಗಲಿದ್ದು ಮಾ.19 ರಂದು ಫೈನಲ್‌ ನಡೆಯಲಿದೆ. ಈ ಸಲುವಾಗಿ ಗಣೇಶ್‌ ಕಪಿಲ್‌ ಜೊತೆ ವೇದಿಕೆ ಏರುತ್ತಿದ್ಧಾರಾ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡಿದೆ.