Advertisement
ಜಕಾರ್ತಾದಲ್ಲಿ ಕಳೆದ ವರ್ಷ ನಡೆದ ಏಶ್ಯನ್‌ ಗೇಮ್ಸ್‌ನ 4/400 ಮೀ. ಮಿಕ್ಸೆಡ್‌ ರಿಲೇಯಲ್ಲಿ ಮೊಹಮ್ಮದ್‌ ಅನಾಸ್‌, ಹಿಮಾ ದಾಸ್‌, ಅರೋಕಿಯಾ ರಾಜೀವ್‌ ಮತ್ತು ಎಂ.ಆರ್‌. ಪೂವಮ್ಮ ಅವರನ್ನು ಒಳಗೊಂಡ ಭಾರತೀಯ ಮಿಕ್ಸೆಡ್‌ ರಿಲೇ ತಂಡ ಬೆಳ್ಳಿ ಪದಕ ಜಯಿಸಿತ್ತು. ಇದೇ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದ ಬಹ್ರೈನ್‌ ತಂಡದ ಸದಸ್ಯೆ ಅದೆಕೋಯಾ ಇದೀಗ ನಿಷೇಧಕ್ಕೆ ಒಳಗಾದ ಕಾರಣ ಚಿನ್ನದ ಪದಕ ಭಾರತದ ಪಾಲಾಗಲಿದೆ.
ಏಶ್ಯನ್‌ ಗೇಮ್ಸ್‌ನಲ್ಲಿ ಅದೆ ಕೋಯಾ 400 ಮೀ. ಹರ್ಡಲ್ಸ್‌ನಲ್ಲೂ ಚಿನ್ನದ ಪದಕ ಜಯಿಸಿದ್ದರು. ಹೀಗಾಗಿ ಈ ಸ್ಪರ್ಧೆಯಲ್ಲಿ 4ನೇ ಸ್ಥಾನ ಪಡೆದಿದ್ದ ಭಾರತದ ಅನು ರಾಘವನ್‌ ಕಂಚಿನ ಪದಕ ಪಡೆಯುವ ಸಾಧ್ಯತೆಯಿದೆ.