Mangaluru ಹೋಮ್‌ನರ್ಸ್‌ನಿಂದ ಚಿನ್ನ ಕಳವು

ಮಂಗಳೂರು: ಹೋಮ್‌ನರ್ಸ್‌ ತಾನು ಕೆಲಸಕ್ಕಿದ್ದ ಮನೆಯಿಂದ ಚಿನ್ನಾಭರಣ ಕಳವು ಮಾಡಿರುವ ಘಟನೆ ನಡೆದಿದೆ.

ಕದ್ರಿ ಬಾಳೆಬೈಲಿನ ಮನೆಯೊಂದರಲ್ಲಿ ಸೆ.6ರಿಂದ 30ರವರೆಗೆ ಹೋಮ್‌ನರ್ಸ್‌ ಆಗಿ ಕೆಲಸ ಮಾಡಿಕೊಂಡಿದ್ದ ಕಾವ್ಯಾ ಅಲ್ಲಿನ ಮಹಿಳೆಯೋರ್ವರ ಅಂದಾಜು 2 ಲ.ರೂ. ಮೌಲ್ಯದ ಸುಮಾರು 35 ಗ್ರಾಂ ತೂಕದ ಚಿನ್ನದ ಕರಿಮಣಿ ಸರವನ್ನು ಕಳ್ಳತನ ಮಾಡಿ ತಾಯಿಯ ಅನಾರೋಗ್ಯದ ನೆಪ ಹೇಳಿ ಆಕೆಯ ಊರಾದ ಮಂಡ್ಯಕ್ಕೆ ಹೋದವಳು ವಾಪಸ್‌ ಬಂದಿಲ್ಲ. ಕರೆ ಮಾಡಿದರೆ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಕದ್ರಿ ಪೊಲೀಸರಿಗೆ ದೂರು ನೀಡಲಾಗಿದೆ.