10 ಗ್ರಾಂ ಚಿನ್ನಕ್ಕೆ 1, 395ರೂ.ಏರಿಕೆ

ನವದೆಹಲಿ: ಚಿನ್ನದ ದರ ಶುಕ್ರವಾರ 1,395 ರೂ.ಗಳಷ್ಟು ಜಿಗಿದಿದೆ. ಹೀಗಾಗಿ ನವದೆಹಲಿ ಚಿನಿವಾರ ಮಾರುಕಟ್ಟೆಯಲ್ಲಿ ಪ್ರತಿ ಹತ್ತು ಗ್ರಾಂ ಚಿನ್ನದ ದರ 41,705 ರೂ.ಗಳಿಗೆ ಏರಿಕೆಯಾದಂತಾಗಿದೆ.

ಗುರುವಾರದ ಮುಕ್ತಾಯಕ್ಕೆ 40,310 ರೂ. ಆಗಿತ್ತು. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಹೆಚ್ಚಾದ ಕಾರಣ ಈ ಬೆಳವಣಿಗೆ ಉಂಟಾಗಿದೆ ಎಂದು ಎಚ್‌ಡಿಎಫ್ಸಿ ಸೆಕ್ಯುರಿಟೀಸ್‌ನ ಹಿರಿಯ ವಿಶ್ಲೇಷಕ ತಪನ್‌ ಪಟೇಲ್‌ ತಿಳಿಸಿದ್ದಾರೆ.

ಬೆಳ್ಳಿಯ ಬೆಲೆಯಲ್ಲಿಯೂ ವೃದ್ಧಿಸಿದ್ದು, ಬೆಲೆ 2,889 ರೂ. ಆಗಿದೆ.ಹೀಗಾಗಿ, ಪ್ರತಿ ಕೆಜಿ ಬೆಳ್ಳಿಗೆ 35,211 ರೂ. ಆಗಿದೆ ಎಂದೂ ಅವರು ಮಾಹಿತಿ ನೀಡಿದ್ದಾರೆ.