ಮಾರುಕಟ್ಟೆಯಲ್ಲಿ ಹೆಚ್ಚುತ್ತಿದೆ ಅನಿಶ್ಚಿತತೆ ; ಚಿನ್ನದ ಬೆಲೆ ವಿಪರೀತ ಏರಿಕೆ ಸಾಧ್ಯತೆ

ಹೊಸದಿಲ್ಲಿ: ಒಂದು ಕಡೆ  ಕೋವಿಡ್ 19 ಸೋಂಕು ಏರುತ್ತಿದೆ, ಇನ್ನೊಂದು ಕಡೆ ಜಗತ್ತಿನ ಎರಡು ಬೃಹತ್‌ ಆರ್ಥಿಕತೆಗಳಾದ ಅಮೆರಿಕ ಮತ್ತು ಚೀನದಲ್ಲೂ ಪರಿಸ್ಥಿತಿ ನಿಯಂತ್ರಣದಲ್ಲಿಲ್ಲ.

ಆದ್ದರಿಂದ ಜನ ಸುರಕ್ಷಿತ ಹೂಡಿಕೆಯಾದ ಬಂಗಾರದತ್ತ ವಾಲುತ್ತಿದ್ದಾರೆ.

ಚಿನ್ನಕ್ಕೆ ಬೇಡಿಕೆ ಹೆಚ್ಚಿದೆ. ಪರಿಣಾಮ ಮುಂಬಯಿ ಚಿಲ್ಲರೆ ಮಾರುಕಟ್ಟೆಯಲ್ಲಿ 10 ಗ್ರಾಮ್‌ ಚಿನ್ನದ ಬೆಲೆ ಬುಧವಾರ 50,000 ರೂ. ದಾಟಿತ್ತು.

ಮುಂದಿನ ದಿನಗಳಲ್ಲಿ ದೇಶಾದ್ಯಂತ ಚಿನ್ನಕ್ಕಾಗಿ ಬೇಡಿಕೆಯೂ ಹೆಚ್ಚಿ, ಬೆಲೆಯೂ ಹೆಚ್ಚಾಗುವುದರಲ್ಲಿ ಸಂಶಯವೇ ಇಲ್ಲ ಎಂದಿದ್ದಾರೆ ತಜ್ಞರು.