ಪಣಜಿ: ಮಹಾರಾಷ್ಟ್ರದಿಂದ ಗೋವಾಕ್ಕೆ ಆಗಮಿಸಿದ್ದ ವಿವೇಕ್ ಮುರಾಯ್ (24) ಎಂಬ ಪ್ರವಾಸಿ ಆಗೊಂದ ಬೀಚ್‍ನಲ್ಲಿ ಮುಳುಗಿ ಸಾವನ್ನಪ್ಪಿದ ಘಟನೆ ನಡೆದಿದೆ.
ಈ ಘಟನೆಗೆ ಸಂಬಂಧಿಸಿದಂತೆ ಲಭ್ಯವಾಗಿರುವ ಮಾಹಿತಿಯ ಅನುಸಾರ- ವಿವೇಕ್ ಮುರಾಯ್ ಈತನು ತನ್ನ ಗೆಳೆಯರೊಂದಿಗೆ ಗೋವಾಕ್ಕೆ ಆಗಮಿಸಿದ್ದ. ಬೀಚ್‍ನಲ್ಲಿ ನೀರಿಗಿಳಿದ ಸಂದರ್ಭದಲ್ಲಿ ನೀರಿನ ಅಲೆಯ ರಭಸಕ್ಕೆ ವಿವೇಕ್ ನೀರಲ್ಲಿ ಮುಳುಗಿಹೋದ ಎನ್ನಲಾಗಿದೆ.
ಕೂಡಲೇ ಬೀಚ್‍ನಲ್ಲಿದ್ದ ದೃಷ್ಠಿ ಲೈಫ್ ಗಾರ್ಡಗಳು ಈತನನ್ನು ನೀರಿನಿಂದ ರಕ್ಷಿಸಿ ದಡಕ್ಕೆ ತಂದು ಚಿಕಿತ್ಸೆಗಾಗಿ ಕಾಣಕೋಣ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ದರು. ಆದರೆ ಅಷ್ಟರಲ್ಲೇ ಈತ ಸಾವನ್ನಪ್ಪಿರುವುದಾಗಿ ವೈದ್ಯರು ಘೋಷಿಸಿದ್ದಾರೆ.
ಕಾಣಕೋಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮೃತದೇಹವನ್ನು ಮಡಗಾಂವ ಹೊಸ್ಪಿಸಿಯೊ ಆಸ್ಪತ್ರೆಯ ಶವಾಗಾರದಲ್ಲಿಡಲಾಗಿದೆ.
ಇದನ್ನೂ ಓದಿ : ಡಿಎಚ್‌ಒ ಕಚೇರಿಗೆ ಸಿಇಒ ದಿಢೀರ್‌ ಭೇಟಿ: 10 ಜನರಿಗೆ ನೋಟಿಸ್‌
