ವಾಟ್ಸಾಪ್‌ ಗ್ರೂಪ್‌ನಲ್ಲಿ ನೀಲಿ ಚಿತ್ರ, ಕಾಂಗ್ರೆಸ್‌ಗೆ ತೀವ್ರ ಮುಜುಗರ

ಪಣಜಿ: ಗೋವಾದ ವಿಪಕ್ಷ ಕಾಂಗ್ರೆಸ್‌ ಪಕ್ಷಕ್ಕೆ  ತೀವ್ರ ಮುಜುಗರಕ್ಕೀಡಾಗುವ ಸನ್ನಿವೇಶವೊಂದರಲ್ಲಿ ಪರ್ತಕರ್ತರೊಂದಿಗೆ ಸಂವಹನಕ್ಕಾಗಿ ಬಳಸುವ ವಾಟ್ಸಾಪ್‌ ಗ್ರೂಪ್‌ನಲ್ಲಿ  ಪಕ್ಷದ ನಾಯಕರೊಬ್ಬರು ಸೆಕ್ಸ್‌ ಚಿತ್ರವೊಂದನ್ನು ಕಳುಹಿಸಿದ್ದಾರೆ.

ಗಂಭೀರ ವಿಚಾರಗಳಿಗೆ ಮಾತ್ರ ವೇದಿಕೆಯಾಗಿದ್ದ ಗ್ರೂಪ್‌ನಲ್ಲಿ 80 ಮಂದಿ ಸದಸ್ಯರಿದ್ದರು. ಈ ಪೈಕಿ ಪತ್ರಕರ್ತರು ಮತ್ತು ಕಾಂಗ್ರೆಸ್‌ ನಾಯಕರು ಸೇರಿದ್ದರು.

ವಿಡಿಯೋ ಕಳುಹಿಸಿದ ನಾಯಕನನ್ನು ಗ್ರೂಪ್‌ನಿಂದ ತೆಗೆದು ಹಾಕಿರುವುದಾಗಿ ಪಕ್ಷದ ವಕ್ತಾರ ಸುನಿಲ್‌ ಕವತಾನಕರ್‌ ಕ್ಷಮೆ ಯಾಚಿಸಿದ್ದಾರೆ. 

ಗೋವಾ ಕಾಂಗ್ರೆಸ್‌ನ ಮಾಜಿ ಪ್ರಧಾನ ಕಾರ್ಯದರ್ಶಿಯೆ ವಿಡಿಯೋ ಕಳುಹಿಸಿದ್ದು ಎಂದು ವರದಿಯಾಗಿದೆ.