ತಿಂಗಳಿಗೆ 1.5 ಲಕ್ಷ ರೂ ಜೀವನಾಂಶ ಕೊಡಿ: ಕುಮಾರಸ್ವಾಮಿಗೆ ಪತ್ನಿ

ಮೈಸೂರು: ಬೀದಿಗೆ ಬಂದಿದ್ದ ಮೂಡಿಗೆರೆ ಕ್ಷೇತ್ರದ ಮಾಜಿ ಬಿಜೆಪಿ ಶಾಸಕ ಎಂ.ಪಿ.ಕುಮಾರಸ್ವಾಮಿ ದಂಪತಿ ನಡುವಿನ ಕೌಟುಂಬಿಕ ಕಲಹ ಈಗ ವಿಚ್ಚೇಧನದತ್ತ ಸಾಗಿದೆ. 

ಕುಮಾರಸ್ವಾಮಿ ಅವರ ಪತ್ನಿ ಸವಿತಾ ಮೈಸೂರಿನ ಜೆಎಂಎಫ್ಸಿ ಕೋರ್ಟ್‌ನಲ್ಲಿ ವಿಚ್ಛೇಧನಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ. ವಕೀಲರ ಮೂಲಕ ಪತಿಗೆ ನೊಟೀಸ್‌ ಜಾರಿ ಮಾಡಿದ್ದಾರೆ. 

2.50 ಕೋಟಿ ರೂ ಆಸ್ತಿ, ತಿಂಗಳಿಗೆ 1.50 ಲಕ್ಷ ರೂ ಜೀವನಾಂಶ ಮತ್ತು 5 ಲಕ್ಷ ರೂ ಕೋರ್ಟ್‌ ವೆಚ್ಚ ನೀಡುವಂತೆ ದಾವೆ ಹೂಡಿದ್ದಾರೆ. 

ಸವಿತಾ ಮೈಸೂರಿನ ಸಣ್ಣ ನೀರಾವರಿ ಇಲಾಖೆಯಲ್ಲಿ ಸಹಾಯಕ ಎಂಜಿನಿಯರ್‌ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.