Advertisement
ಜಾಧವ್ ವಿಚಾರದಲ್ಲಿ ಪಾಕ್ ವಿದೇಶಾಂಗ ಕಾರ್ಯದರ್ಶಿ ತೆಹ್ಮಿನಾ ಜಂಜುವಾ ಅವರನ್ನು ಶುಕ್ರವಾರ ಭೇಟಿಯಾದ ಭಾರತೀಯ ರಾಯಭಾರಿ ಗೌತಮ್ ಬಂಬಾÌಲೆ ಅವರು, ಜಾಧವ್ ಸಂಪರ್ಕಕ್ಕೆ ಅನುವು ಮಾಡಲು ಒತ್ತಡ ಹೇರಿದ್ದಾರೆ. ಜಾಧವ್ ವಿರುದ್ಧದ ಆರೋಪ ಪಟ್ಟಿಯ ಪ್ರಮಾಣೀಕೃತ ಪ್ರತಿ ಮತ್ತು ಜಾಧವ್ ವಿರುದ್ಧ ಮರಣದಂಡನೆ ವಿಧಿಸಲಾದ ಕೋರ್ಟ್ ತೀರ್ಪಿನ ಪ್ರತಿಯನ್ನು ನೀಡುವಂತೆ ಆಗ್ರಹಿಸಲಾಗಿದೆ ಎಂದು ಗೌತಮ್ ಹೇಳಿದ್ದಾರೆ. ಜೊತೆಗೆ ರಾಯಭಾರಿ ಭೇಟಿಗೆ 14ನೇ ಬಾರಿಗೆ ಕೇಳಿಕೊಳ್ಳಲಾಗಿದೆ ಎಂದು ಹೇಳಿದ್ದಾರೆ. ಆದರೆ ಗೌತಮ್ ಅವರ ಯತ್ನ ಫಲಕಾಣಲಿಲ್ಲ.
Related Articles
Advertisement
ಅಮೆರಿಕದಲ್ಲಿ ಪ್ರತಿಭಟನೆ: ಜಾಧವ್ ಅವರಿಗೆ ಪಾಕಿಸ್ತಾನ ಗಲ್ಲುಶಿಕ್ಷೆ ವಿಧಿಸಿದ್ದನ್ನು ವಿರೋಧಿಸಿ ಈಗ ಅಮೆರಿದಲ್ಲೂ ಪ್ರತಿಭಟನೆ ನಡೆದಿದೆ. ಅಮೆರಿಕನ್ ಫ್ರೆಂಡ್ಸ್ ಆಫ್ ಬಲೂಚಿಸ್ತಾನ್ (ಎಎಫ್ಬಿ) ಹೆಸರಿನ ಬಲೂಚಿಸ್ತಾನ ಪರ ಸಂಘಟನೆ ಮೋಂಬತ್ತಿ ಬೆಳಕಿನ ಪ್ರತಿಭಟನೆಯನ್ನು ವಾಷಿಂಗ್ಟನ್ನಲ್ಲಿ ನಡೆಸಿದೆ. ಈ ಪ್ರತಿಭಟನೆಯಲ್ಲಿ ಬಲೂಚಿಗಳು, ಭಾರತೀಯರು, ಆಫ^ನ್ನರು ಮತ್ತು ಯಹೂದಿ ಸಮುದಾಯದವರು ಭಾಗಿಯಾಗಿದ್ದರು. ಅಲ್ಲದೇ ಪಾಕ್ ಜಾಧವ್ ಅವರನ್ನು ಗಲ್ಲಿಗೇರಿಸುವುದನ್ನು ಅಂತಾರಾಷ್ಟ್ರೀಯ ಸಮುದಾಯ ತಡೆಯಬೇಕು ಎಂದು ಅವರು ಆಗ್ರಹಿಸಿದ್ದಾರೆ.
ಪಾಕಿಸ್ತಾನ ಮಾಡಿರುವ ಆರೋಪಗಳೇನು? ಗಲ್ಲುಶಿಕ್ಷೆಗೊಳಗಾದ ಭಾರತದ ನೌಕಾಪಡೆ ಮಾಜಿ ಅಧಿಕಾರಿ ಕುಲಭೂಷಣ್ ಜಾಧವ್ ವಿರುದ್ಧ ಪಾಕಿಸ್ತಾನ ಅಧಿಕೃತ
ಆರೋಪ ಪಟ್ಟಿಯನ್ನು ಭಾರತಕ್ಕೆ ನೀಡದಿದ್ದರೂ, ಕೆಲವೊಂದು ಆರೋಪ ಗಳನ್ನು ಅದು ಹೇಳಿದೆ. ಈ ಸಂಬಂಧ ಶುಕ್ರವಾರ ಪಾಕ್ ವಿದೇಶಾಂಗ ನೀತಿ ಮುಖ್ಯಸ್ಥ ಸರ್ತಾಜ್ ಅಜೀಜ್ ಅವರು, ಪತ್ರಿಕಾಗೋಷ್ಠಿಯಲ್ಲಿ ಜಾಧವ್ ವಿರುದ್ಧದ ಆರೋಪಗಳನ್ನು ಹೇಳಿದ್ದಾರೆ. ಆದರೆ ಜಾಧವ್ ಅವರ ಭಾಗೀದಾರಿಕೆ ಯನ್ನು ಹೇಳುವ ಕುರಿತ ಸಾಕ್ಷ್ಯಗಳನ್ನು ಅವರು ನೀಡಲಿಲ್ಲ. ಬಲೂಚಿಸ್ತಾನ ಪ್ರಾಂತ್ಯದ ಗÌದಾರ್ ಮತ್ತು ತುರ್ಬಾತ್ನಲ್ಲಿ ಸುಧಾರಿತ ಸ್ಫೋಟಕ ಮತ್ತು ಗ್ರೆನೇಡ್ ದಾಳಿಯ ನಿರ್ದೇಶನ ಮತ್ತು ಪ್ರಾಯೋಜಕತ್ವ.
ಧಿl ಜಿವಾನಿ ಬಂದರಿನಲ್ಲಿ ನಾಗರಿಕ ದೋಣಿಗಳು ಮತ್ತು ರಾಡಾರ್ ಸ್ಟೇಷನ್ ಮೇಲೆ ದಾಳಿಗೆ ನಿರ್ದೇಶನ.
ಧಿl ಹವಾಲಾ/ಹುಂಡಿಗಳ ಮೂಲಕ ಪಾಕಿಸ್ತಾನದಲ್ಲಿ ಭಯೋತ್ಪಾದನೆ ಸಂಘಟನೆಗಳಿಗೆ ಹಣ. ವಿಶೇಷವಾಗಿ ಬಲೂಚಿಸ್ತಾನದಲ್ಲಿ ದೇಶದ ವಿರುದ್ಧ ಚಟುವಟಿಕೆ ನಡೆಸಲು ಯುವಕರಿಗೆ ಪ್ರೇರಣೆ. ಬಲೂಚಿಸ್ತಾನದ ಸಿಬಿ ಮತ್ತು ಸುಯಿ ಪ್ರದೇಶದಲ್ಲಿ ಗ್ಯಾಸ್ ಪೈಪ್ಲೈನ್, ಎಲೆಕ್ಟ್ರಿಕ್ ಮಾರ್ಗ ನ್ಪೋಟಕ್ಕೆ ಸ್ಫೋಟಕಗಳ ಪ್ರಾಯೋಜಕತ್ವ 2015ರಲ್ಲಿ ಕ್ವೆಟ್ಟಾದಲ್ಲಿ ನಡೆದ ದಾಳಿಗೆ ಸುಧಾರಿತ ಸ್ಫೋಟಕದ ಪ್ರಾಯೋಜಕತ್ವ. ಇದರಲ್ಲಿ ಅಪಾರ ಜನ ಮೃತಪಟ್ಟು ಆಸ್ತಿಪಾಸ್ತಿ ಹಾನಿಯಾಗಿತ್ತು. ಕ್ವೆಟ್ಟಾದ ಹಜರಾಸ್ ಮತ್ತು ಶಿಯಾ ಝೈರಿನ್ ಯಾತ್ರಾ ಸ್ಥಳದಲ್ಲಿ ದಾಳಿಗೆ ಪ್ರಾಯೋಜಕತ್ವ. ಪಾಕ್ನ ಗ್ವಾದಾರ್, ತುರ್ಬಾತ್, ಪುಂಜ್ಗುರ್, ಪಾಸ್ನಿ, ಜಿವಾನಿಯಲ್ಲಿ 2014-15ರ ಅವಧಿಯಲ್ಲಿ ಕಾನೂನು ಸುವ್ಯವಸ್ಥೆ ಪಡೆಗಳು, ನಿರ್ಮಾಣ ಕಾಮಗಾರಿ ಸಂಸ್ಥೆಗಳ ಮೇಲೆ ದಾಳಿ ನಡೆಸಲು ದೇಶ ವಿರೋಧಿ ಶಕ್ತಿಗಳಿಗೆ ಕುಮ್ಮಕ್ಕು. ಇಲ್ಲಿ ನಡೆದ ದಾಳಿಗಳಲ್ಲಿ ಹಲವಾರು ನಾಗರಿಕರು ಮತ್ತು ಸೈನಿಕರು ಮೃತಪಟ್ಟಿದ್ದಾರೆ.