ದಾವಣಗೆರೆಯಲ್ಲಿ ಸಲಿಂಗಕಾಮಿ ಗೆಳತಿಯರ ಜಗಳ; ಬೇರೆ ಯುವತಿಯ ಜತೆ ಮಾತನಾಡಿದಳೆಂದು ಚಾಕು ಇರಿತ

ದಾವಣಗೆರೆ: ಸಲಿಂಗಕಾಮಿ ಗೆಳತಿಯರಿಬ್ಬರ ಜಗಳ ನಡೆದು ತನ್ನ ಗೆಳತಿಗೆ ಚಾಕುವಿನಿಂದ ಇರಿದ ಘಟನೆ ದಾವಣಗೆರೆಯ ಶಾಂತಿನಗರದಲ್ಲಿ ನಡೆದಿದೆ.

ಚಿಕ್ಕಮಗಳೂರು ಜಿಲ್ಲೆಯ ಲಾಸಿ ಮತ್ತು ದಾವಣಗೆರೆಯ ಸ್ನೇಹಾ ಎಂಬಿಬ್ಬರು ಸಲಿಂಗಕಾಮಿಗಳಾಗಿದ್ದರು ಎನ್ನಲಾಗಿದೆ.

ಸ್ನೇಹಾ ಇತ್ತೀಚಿಗೆ ಬೇರೆ ಯುವತಿಯ ಜೊತೆ ಮಾತಾಡ್ತಿದ್ದಾಳೆ ಎಂದು ಕುಪಿತ ಗೊಂಡ ಲಾಸಿ ಸ್ನೇಹಾಳ ಮುಖಕ್ಕೆ ಬ್ಲೇಡ್ ನಿಂದ ಹಲ್ಲೆ ನಡೆಸಿದ್ದಾಳೆ ಎನ್ನಲಾಗಿದೆ.

ಇದನ್ನೂ ಓದಿ:ಟಿ20 ವಿಶ್ವಕಪ್: ತಲೆಗೆ ಚೆಂಡು ಬಡಿದು ಆಸ್ಪತ್ರೆ ಸೇರಿದ ಪಾಕಿಸ್ತಾನಿ ಆಟಗಾರ

ಬ್ಲೇಡ್ ನಿಂದ ಸ್ನೇಹಾಳ ಮುಖಕ್ಕೆ ಇರಿದ ಲಾಸಿಯನ್ನು ವಿದ್ಯಾನಗರ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ವಿದ್ಯಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.