ಕುರಿಗಾಯಿ ಜೀವ ಉಳಿಸಲು ಹೋದ ಬಾಲಕಿ ಸಾವು

ಯಾದಗಿರಿ: ವಡಗೇರಾ ತಾಲೂಕಿನ ಜೋಳದಡಗಿ ಗ್ರಾಮದ ಹೊರವಲಯದಲ್ಲಿ ನಿಂತ ನೀರಿನಲ್ಲಿ ಕಾಲು ಜಾರಿ ಬಿದ್ದ ಕುರಿಗಾಯಿ ಯನ್ನು ರಕ್ಷಿಸಲು ಹೋಗಿ ಬಾಲಕಿ ಸಾವನ್ನಪ್ಪಿದ ಘಟನೆ ನಡೆದಿದೆ.

ಶುಕ್ರವಾರ ಗ್ರಾಮದ ಸಮೀಪದ ಅರಕಲ ಬಂಡೆಯ ನಿಂತ ನೀರಿನಲ್ಲಿ ಕುರಿಗಾಯಿ ಒಬ್ಬ ನೀರು ಕುಡಿಯಲು ಹೋದ ಸಂದರ್ಭದಲ್ಲಿ ಕಾಲು ಜಾರಿ ಬಿದ್ದಿದ್ದ . ಆತನನ್ನು ರಕ್ಷಿಸಲು ಹೋದ ರಾಜಮ್ಮ ನೀರಿಗೆ  ಬಿದ್ದು ಈಜು ಬಾರದ ಕಾರಣ ಸಾವನ್ನಪ್ಪಿದ್ದಾಳೆ ಎನ್ನಲಾಗಿದೆ.

ಕುರಿಗಾಯಿ ಜೀವ ಉಳಿಸಲು ಹೋಗಿ ಶಂಕರಪ್ಪ ವಡ್ಡರ್ ಮಗಳು 16 ವರ್ಷದ ರಾಜಮ್ಮ ತನ್ನ ಜೀವ ಕಳೆದುಕೊಂಡಿದ್ದು ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ. ವಡಗೇರಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಜರುಗಿದೆ.