ಬಿಜೆಪಿ ಸರಕಾರ ತೊಲಗಿಸಿ

ಸಿಂಧನೂರು: ರೈತ ಹೋರಾಟಗಾರರ ಹಕ್ಕನ್ನು ಕಿತ್ತುಕೊಳ್ಳುತ್ತಿರುವ ಬಿಜೆಪಿ ಸರಕಾರ ಕಿತ್ತೂಗೆಯಲು ಪ್ರತಿಯೊಬ್ಬರೂ ಮನಸ್ಸು ಮಾಡಬೇಕು ಎಂದು ರಾಜ್ಯ ಯುವ ಕಾಂಗ್ರೆಸ್‌ ಮಾಜಿ ಅಧ್ಯಕ್ಷ ಬಸನಗೌಡ ಬಾದರ್ಲಿ ಹೇಳಿದರು.

ತಾಲೂಕಿನ ಅಲಬನೂರು ಗ್ರಾಮದಲ್ಲಿ ಕಾಂಗ್ರೆಸ್‌ನಿಂದ ಹಮ್ಮಿಕೊಂಡಿದ್ದ ಗಾಂಧಿ ಗ್ರಾಮ ಸ್ವರಾಜ್‌ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಪ್ರಧಾನಿ ಮೋದಿಯವರು ದೇಶದ ಜನತೆಗೆ ಸುಳ್ಳು ಭರವಸೆಗಳನ್ನು ನೀಡಿ ಭಾವನಾತ್ಮಕ ವಿಷಯಗಳನ್ನು ಬಿತ್ತಿ ಅಧಿಕಾರಕ್ಕೆ ಬಂದು 7 ವರ್ಷಗಳು ಕಳೆದರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದರು.

ಕಾಂಗ್ರೆಸ್‌ ಮುಖಂಡ ಎಚ್‌. ಎನ್‌.ಬಡಿಗೇರ್‌, ಕೆಪಿಸಿಸಿ ಎಸ್ಟಿ ಪ್ರಧಾನ ಕಾರ್ಯದರ್ಶಿ ವೆಂಕಟೇಶ ರಾಗಲಪರ್ವಿ, ತಾ.ಪಂ. ಮಾಜಿ ಸದಸ್ಯ ವೆಂಕನಗೌಡ ಗಿಣಿವಾರ ಮಾತನಾಡಿದರು.

ಇದನ್ನೂ ಓದಿ: ನಟ ಪುನೀತ್ ನಿಧನ: ಸರಗೂರು ಪಟ್ಟಣ ಅಘೋಷಿತ ಬಂದ್, ಅಪ್ಪು ಕಟೌಟ್ ಮೆರವಣಿಗೆ

ಕಾಂಗ್ರೆಸ್‌ ಮುಖಂಡರಾದ ಶಿವಕುಮಾರ ಜವಳಿ, ಶರಣಯ್ಯ ಸ್ವಾಮಿ ಕೋಟೆ, ಮಲ್ಲನಗೌಡ ಗದ್ರಟಗಿ, ಖಾಜಾಹುಸೇನ್‌ ರೌಡಾಕುಂದಾ, ಅಲಬನೂರು ಗ್ರಾಪಂ ಅಧ್ಯಕ್ಷೆ ಲಲಿತಮ್ಮ, ಎಸ್‌ಟಿ ಗ್ರಾಮೀಣ ಘಟಕದ ಅಧ್ಯಕ್ಷರಾದ ಮಲ್ಲಯ್ಯ ಮ್ಯಾಕಲ್‌, ನಗರ ಘಟಕದ ಅಧ್ಯಕ್ಷರಾದ ರಾಮಣ್ಣ ಬೆಳಗುರ್ಕಿ, ಮಹಿಳಾ ಕಾಂಗ್ರೆಸ್‌ ಅಧ್ಯಕ್ಷೆ ದಾಕ್ಷಾಯಣಿ ಬಸನಗೌಡ, ಯುವ ಕಾಂಗ್ರೆಸ್‌ ಅಧ್ಯಕ್ಷ ಹಬೀಬ್‌ ಖಾಜಿ, ಪಂಪಾಪತಿ ಆರ್‌, ಚನ್ನಬಸವ ಅಗಸಿ, ಬಸವರಾಜ ಅಲಬನೂರು ಇದ್ದರು.