ಅಂಡರ್‌-17 ವಿಶ್ವಕಪ್‌ ಫುಟ್‌ಬಾಲ್‌; ಜರ್ಮಮ್‌ ಕೋಚ್‌ಗೆ ಕೊರೊನಾ

ಮುಂಬಯಿ: ಫಿಫಾ ಅಂಡರ್‌-17 ವನಿತಾ ವಿಶ್ವಕಪ್‌ ಫುಟ್‌ಬಾಲ್‌ ಪಾಳೆಯದಲ್ಲಿ ಮೊದಲ ಕೊರೊನಾ ಕೇಸ್‌ ಕಾಣಿಸಿಕೊಂಡಿದೆ.

ಜರ್ಮನಿ ತಂಡದ ಕೋಚ್‌ ಫ್ರೆಡ್ರಿಕ್‌ ಕ್ರಾಂಪ್‌ ಅವರ ಕೋವಿಡ್‌-19 ಫ‌ಲಿತಾಂಶ ಪಾಸಿಟಿವ್‌ ಬಂದಿದೆ. ಹೀಗಾಗಿ ಅವರು ತಂಡದ ಜತೆ ಕಾಣಿಸಿಕೊಳ್ಳಲಿಲ್ಲ.

ನೆಚ್ಚಿನ ಬ್ರಝಿಲ್‌ ಎದುರು ಡಿ.ವೈ. ಪಾಟೀಲ್‌ ಸ್ಟೇಡಿಯಂನಲ್ಲಿ ನಡೆಯಬೇಕಿದ್ದ ಕ್ವಾರ್ಟರ್‌ ಫೈನಲ್‌ ಪಂದ್ಯಕ್ಕೂ ಮುನ್ನ ಈ ಫ‌ಲಿತಾಂಶ ಪ್ರಕಟಗೊಂಡಿತು.

“ಈ ಸಂದಿಗ್ಧ ಸ್ಥಿತಿಯನ್ನು ನಾವು ಯಶಸ್ವಿಯಾಗಿ ನಿಭಾಯಿಸಲಿದ್ದೇವೆ. ಬಹಳ ಬೇಗ ಪರಿಸ್ಥಿತಿಗೆ ಹೊಂದಿಕೊಳ್ಳಲಿದ್ದೇವೆ. ನಮ್ಮ ಕೋಚಿಂಗ್‌ ತಂಡ ಸಾಕಷ್ಟು ಅನುಭವಿ’ ಎಂಬುದಾಗಿ ಫ್ರೆಡ್ರಿಕ್‌ ಕ್ರಾಂಪ್‌ ಹೇಳಿದರು.