Assam 19 ಉತ್ಪನ್ನಗಳಿಗೆ ಭೌಗೋಳಿಕ ಮಾನ್ಯತೆ

ಗುವಾಹಾಟಿ: ಪ್ರಸಿದ್ಧ ಬಿಹೂ ನೃತ್ಯಗಳಲ್ಲಿ ಬಳಸಲಾಗುವ “ಬಿಹೂ’ ಢೋಲು, ಬಿದಿರಿನಿಂದ ತಯಾರಿಸಲಾದ ಸಾಂಪ್ರದಾಯಿಕ “ಜಾಪೀ’ ಟೋಪಿ ಸೇರಿ ಅಸ್ಸಾಂನ 19 ಸಾಂಪ್ರದಾಯಿಕ ಉತ್ಪನ್ನಗಳಿಗೆ ಭೌಗೋಳಿಕ ಮಾನ್ಯತೆ(ಜಿ.ಐ. ಟ್ಯಾಗ್‌) ದೊರೆತಿದೆ ಎಂದು ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ರವಿವಾರ ಹೇಳಿದ್ದಾರೆ.

ಇವುಗಳಲ್ಲಿ ಬಹುತೇಕ 13 ಉತ್ಪನ್ನಗಳು ಬೋಡೊ ಬುಡಕಟ್ಟು ಸಮುದಾಯಕ್ಕೆ ಸೇರಿದವು. “ಬೋಡೊ ಸಮುದಾಯದ ನಾಯಕ “ಬೋಡೊಫಾ ಉಪೇಂದ್ರನಾಥ ಬ್ರಹ್ಮ’ ಅವರ ಜನ್ಮ ಮಹೋತ್ಸವಕ್ಕೆ ಇದಕ್ಕಿಂತಲೂ ಸಿಹಿ ವಿಚಾರ ಬೇಕೇ? ಸಾಂಪ್ರದಾಯಿಕ ಉತ್ಪನ್ನಗಳಿಗೆ ಭೌಗೋಳಿಕ ಮಾನ್ಯತೆ ದೊರೆತಿದ್ದು, ಕನಿಷ್ಠ 1 ಲಕ್ಷ ಸ್ಥಳೀಯರಿಗೆ ನೇರ ಲಾಭವಾಗಲಿದೆ’ ಎಂದು ಶರ್ಮಾ ಟ್ವೀಟ್‌ ಮಾಡಿದ್ದಾರೆ.