ಗಂಭೀರ್‌ 2ನೇ ಮಗಳು ಅನೈಜಾ ಹೆಸರಿನ ಅರ್ಥವೇನು?

ಹೊಸದಿಲ್ಲಿ: ಭಾರತ ಮತ್ತು ಕೋಲ್ಕತಾ ನೈಟ್‌ ರೈಡರ್ ಕ್ರಿಕೆಟ್‌ ತಂಡದ ಆರಂಭಿಕ ಆಟಗಾರ ಗೌತಮ್‌ ಗಂಭೀರ್‌ ಕಳೆದ ತಿಂಗಳು ಎರಡನೇ ಹೆಣ್ಣು ಮಗುವಿಗೆ ತಂದೆಯಾಗಿದ್ದಾರೆ. ಆ ಮಗುವಿಗೆ ಅನೈಜಾ ಎಂದು ಹೆಸರಿಟ್ಟಿರುವುದನ್ನು ಗಂಭೀರ್‌ ಟ್ವೀಟರ್‌ನಲ್ಲಿ ತಿಳಿಸಿದ್ದಾರೆ. ಇದಕ್ಕೆ ಅಭಿಮಾನಿಗಳು ಭಾರೀ ಸಂಖ್ಯೆಯಲ್ಲಿ ಶುಭ ಹಾರೈಸಿದ್ದು, ಜತೆಗೆ ಅನೈಜಾ ಅಂದರೆ ಅರ್ಥವೇನೆಂದೂ ತಲೆ ಕೆರೆದುಕೊಂಡು ಪ್ರಶ್ನಿಸಿದ್ದಾರೆ.

ಗಂಭೀರ್‌ 2011ರಲ್ಲಿ ನತಾಶಾ ಎಂಬುವರನ್ನು ವಿವಾಹವಾಗಿದ್ದಾರೆ. ಈ ಜೋಡಿಗೆ 2014ರಲ್ಲಿ ಮೊದಲ ಮಗು ಜನಿಸಿದ್ದು, ಮಗುವಿಗೆ ಆಜೀನ್‌ ಎಂದು ಹೆಸರಿಡಲಾಗಿದೆ. ಗಂಭೀರ್‌, ಹಿರಿಯ ಪುತ್ರಿ ಆಜೀನ್‌ ಅವರು ಅನೈಜಾಳನ್ನು ಹಿಡಿದಿರುವ ಚಿತ್ರವನ್ನು ಟ್ವೀಟರ್‌ನಲ್ಲಿ ಹಾಕಿದ್ದಾರೆ. ಆದರೆ ಈ ವಿಚಿತ್ರ ಹೆಸರಿನ ಅರ್ಥವನ್ನು ಗಂಭೀರ್‌ ಬಹಿರಂಗಪಡಿಸಿಲ್ಲ.