ಗೌರಿ ಲಂಕೇಶ್‌ ಹತ್ಯೆ: ಎಂಎಸ್‌ಎಫ್‌ ಪ್ರತಿಭಟನೆ

ಹೊಸಂಗಡಿ: ಸಾಹಿತಿ, ಪತ್ರಕರ್ತೆ ಗೌರಿ ಲಂಕೇಶ್‌ ಹತ್ಯೆಯನ್ನು ಖಂಡಿಸಿ ಎಂ.ಎಸ್‌.ಎಫ್‌. ಮಂಜೇಶ್ವರ ಮಂಡಲ ಸಮಿತಿ ನೇತೃತ್ವದಲ್ಲಿ ಮಜೀರ್ಪಳ್ಳ ಪೇಟೆಯಲ್ಲಿ ಪ್ರತಿಭಟನೆ ನಡೆಸಲಾಯಿತು. ಮಂಜೇಶ್ವರ ಪ್ರಸ್‌ ಕ್ಲಬ್‌ ಅಧ್ಯಕ್ಷ ಆರಿಫ್‌ ಮಚ್ಚಂಪಾಡಿ ಉದ್ಘಾಟಿಸಿದರು. ಗೌರಿ ಹತ್ಯೆ ಖಂಡನೀಯ. ಆರೋಪಿಗಳ ಶೀಘ್ರ ಬಂಧನವಾಗಲಿ. ದುಷ್ಕರ್ಮಿಗಳು ಗೌರಿ ಲಂಕೇಶರನ್ನು ಹತ್ಯೆ ಮಾಡುವ ಮೂಲಕ ಪ್ರಗತಿಪರ ಚಿಂತನೆಗಳನ್ನು ಅಡಗಿಸಬಹುದೆಂದು ಭಾವಿಸಿರುವುದಾದರೆ ಮೂರ್ಖತನ. ಗೌರಿ ಲಂಕೇಶರಂರಥ ನೂರಾರು ಲಂಕೇಶರು ಮತ್ತೆ ಹುಟ್ಟಿ ಬರಲಿದ್ದಾರೆಂದು ಅವರು ಹೇಳಿದರು. 

ಮಂಡಲಾಧ್ಯಕ್ಷ ಸಿದ್ದೀಕ್‌ ಮಂಜೇಶ್ವರ ಅಧ್ಯಕ್ಷತೆ ವಹಿಸಿದರು. ಸವಾದ್‌ ಅಂಗಡಿಮೊಗರ್‌ ಸ್ವಾಗತಿಸಿದರು. ಮಂಜೇಶ್ವರ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಉಮ್ಮರ್‌ ಬೋರ್ಕಳ, ಕಾಂಗ್ರೆಸ್‌ ಮುಖಂಡ ದಿವಾಕರ್‌ ಎಸ್‌.ಜೆ, ವರ್ಕಾಡಿ ಗ್ರಾಮ ಪಂಚಾಯತ್‌ ಅಧ್ಯಕ್ಷ ಮಜೀದ್‌, ಪಂಚಾಯತ್‌ ಸದಸ್ಯ ಹಾರಿಸ್‌ ಪಾವೂರು, ಜಾಫರ್‌ ಪಾವೂರು, ಜಂಶೀರ್‌ ಮೊಗ್ರಾಲ್‌, ಸಿದ್ದೀಕ್‌ ಮಜೀರ್ಪಳ್ಳ, ಲತೀಫ್‌ ಕಜೆ, ಅನ್ಸಾರ್‌ ಪಾವೂರು, ಅಸರ್‌ ಪಾತೂರು, ರಾಹಿಸ್‌ ಮೊದಲಾದವರು ಉಪಸ್ಥಿತರಿದ್ದರು. ರಹೀಂ ಪಳ್ಳಂ ವಂದಿಸಿದರು.