ಬೆಂಗಳೂರು: ಅಮೆರಿಕ ಮೂಲಕ ಫಿಟ್ನೆಸ್ ಸ್ಮಾರ್ಟ್ ವಾಚ್‍ಗಳ ಬ್ರಾಂಡ್ ಗಾರ್ಮಿನ್ ಬೆಂಗಳೂರಿನ ತನ್ನ ಮೊದಲ ಎಕ್ಸ್ಪೀರಿಯೆನ್ಷಲ್ ಬ್ರ್ಯಾಂಡ್ ಸ್ಟೋರ್ ಆರಂಭಿಸಿದೆ.
ಗ್ರಾಹಕರಿಗೆ ಅತ್ಯುತ್ತಮ ಅನುಭವವನ್ನು ಒದಗಿಸಲು ಸ್ಥಾಪಿಸಿರುವ ಈ ಮಳಿಗೆಯು 500 ಚದರ ಅಡಿ ವಿಸ್ತಾರವಾಗಿದ್ದು, ಎಲ್ಲಾ ಫಿಟ್ನೆಸ್ ಉತ್ಸಾಹಿಗಳಿಗೆ ಉತ್ಪನ್ನ ಅನುಭವವನ್ನು ಒದಗಿಸಲು ಸಜ್ಜಾಗಿದೆ.
ಹೊಸ ಬ್ರ್ಯಾಂಡ್ ಮಳಿಗೆಯು ಗಾರ್ಮಿನ್ ನ Fenix 7 ಸರಣಿ, Instinct 2 Solar ಸರಣಿಗಳು, Forerunner 922/255 ಮತ್ತು Venu SQ2 ಮತ್ತು ಇನ್ನೂ ಹೆಚ್ಚಿನ ಉತ್ಪನ್ನಗಳನ್ನು ಒಳಗೊಂಡಂತೆ ಫಿಟ್ನೆಸ್, ಹೊರಾಂಗಣ, ಆರೋಗ್ಯ-ಆರೈಕೆ ಮುಂತಾದ ವಿಭಾಗಗಳಲ್ಲಿ ಬ್ರ್ಯಾಂಡಿನ ಸಂಪೂರ್ಣ ಉತ್ಪನ್ನ ಸರಣಿಯನ್ನು ಹೊಂದಿದೆ.
ಗ್ರಾಹಕರಿಗೆ ಅದರ ವೈಶಿಷ್ಟ್ಯಗಳೊಂದಿಗೆ ಮಾರ್ಗದರ್ಶನ ನೀಡಲು ಮತ್ತು ಅವರ ಅವಶ್ಯಕತೆಗೆ ಅನುಗುಣವಾಗಿ ಹೆಚ್ಚು ಸೂಕ್ತವಾದ ಗ್ಯಾಜೆಟ್ ಆಯ್ಕೆಗೆ ನೆರವಾಗಲು ಬ್ರ್ಯಾಂಡ್ ತಜ್ಞರು ಮಳಿಗೆಯಲ್ಲಿ ಲಭ್ಯವಿರುತ್ತಾರೆ.
ಗಾರ್ಮಿನ್ ದೇಶದಾದ್ಯಂತ ಬ್ರಾಂಡಿನ ರಿಟೇಲ್ ಹೆಜ್ಜೆಗುರುತನ್ನು ಬಲಪಡಿಸುವತ್ತ ಹೆಜ್ಜೆ ಇಟ್ಟಿದೆ, ಹೊಸ ಮಳಿಗೆಯು ಬೆಂಗಳೂರಿನ ಹೃದಯಭಾಗದ ನಂ. 84, ಬ್ರಿಗೇಡ್ ರಸ್ತೆ, ಅಶೋಕ್ ನಗರದಲ್ಲಿದೆ. ಹೊಸ ಮಳಿಗೆಯು ಒಂದೇ ಸೂರಿನಡಿಯಲ್ಲಿ ಕಂಪನಿಯ ಧರಿಸಬಹುದಾದ ಸಾಧನಗಳ ಸಂಪೂರ್ಣ ಶ್ರೇಣಿಯನ್ನು ಹೊಂದಿರುತ್ತದೆ.
ಈ ಶುಭಾರಂಭದೊಂದಿಗೆ, ಭಾರತದಲ್ಲಿ ಗಾರ್ಮಿನ್ ನ ಒಟ್ಟು ಬ್ರಾಂಡ್ ಸ್ಟೋರ್ ಗಳ ಸಂಖ್ಯೆ 3 ಕ್ಕೆ ಏರಲಿದೆ, ಅದರಲ್ಲಿ ಇತರ ಎರಡು ಸ್ಟೋರ್ ಗಳು ಪ್ರಸ್ತುತ ಪುಣೆ ಮತ್ತು ದೆಹಲಿ NCR ನಲ್ಲಿವೆ. ಇದಲ್ಲದೇ, ಹೀಲಿಯೋಸ್ ವಾಚ್ ಸ್ಟೋರ್, ಜಸ್ಟ್ ಇನ್ ಟೈಮ್, ಕ್ರೋಮಾ ಹಾಗೆಯೇ ಆನ್ಲೈನ್ ಪಾಲುದಾರರು ಸೇರಿದಂತೆ ಇತರ ಮಲ್ಟಿಬ್ಯಾಂಡ್ ಸ್ಟೋರ್ ಗಳಂತಹ ಪಾಲುದಾರ ಮಾಧ್ಯಮಗಳ ಮೂಲಕವೂ ಗಾರ್ಮಿನ್ ತನ್ನ ಮಾರಾಟವನ್ನು ನಡೆಸುತ್ತಿದೆ.
