ಗಂಗೂಲಿ ಜಾಹೀರಾತು ಒಪ್ಪಂದ ಪ್ರಶ್ನಿಸಿದ ಬಿಸಿಸಿಐ ಅಧಿಕಾರಿಗಳು

ಇಂದೋರ್‌: ಮಾಜಿ ಕ್ರಿಕೆಟಿಗ ಸೌರವ್‌ ಗಂಗೂಲಿ ಕ್ರಿಕೆಟ್‌ ಆಡುತ್ತಿದ್ದ ದಿನಗಳಲ್ಲಿ ಜಾಹೀರಾತು ಕಂಪೆನಿಗಳ ಹಾಟ್‌ ಫೇವರಿಟ್‌. ಈಗಲೂ ಮಾರುಕಟ್ಟೆಯಲ್ಲಿ ಗಂಗೂಲಿ ಅದೇ ಬ್ರ್ಯಾಂಡ್‌ ಮೌಲ್ಯವನ್ನು ಹೊಂದಿದ್ದಾರೆ. ಕ್ರಿಕೆಟ್‌ ಅಂಗಳದಿಂದ ಹೊರಕ್ಕಿದ್ದರೂ ಅವರ ಬೇಡಿಕೆ ಸ್ವಲ್ಪವೂ ತಗ್ಗಿಲ್ಲ. 

ಪ್ರಸ್ತುತ ಸೌರವ್‌ ಗಂಗೂಲಿ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ಲಾಜಿಸ್ಟಿಕ್‌ ಪಾರ್ಟ್‌ನರ್‌ ಕೊರಿಯರ್‌ ಸಂಸ್ಥೆಯ ಜಾಹಿರಾತಿಗೆ ಸಹಿ ಹಾಕಿದ್ದಾರೆ. ಇದು ಬಿಸಿಸಿಐನಲ್ಲಿರುವ ಕೆಲ ಅಧಿಕಾರಿಗಳ ಕಣ್ಣು ಕೆಂಪಗಾಗಿಸಿದೆ. 

ಗಂಗೂಲಿ ಬಂಗಾಲ ಕ್ರಿಕೆಟ್‌ ಸಂಸ್ಥೆ ಅಧ್ಯಕ್ಷ, ಐಪಿಎಲ್‌ ಆಡಳಿತ ಮಂಡಳಿ ಸದಸ್ಯ. ಮಂಡಳಿಯಲ್ಲಿ ಇಷ್ಟೆಲ್ಲ ಹುದ್ಧೆಗಳನ್ನು ಹೊಂದಿದ್ದರೂ ಅವರು ರೀತಿ ಜಾಹೀರಾತು ಉತ್ಪನ್ನಗಳಿಗೆ ಪ್ರಚಾರ ನೀಡಬಹುದೇ ಎಂದು ಪ್ರಶ್ನಿಸಿದ್ದಾರೆ.