ದಿಲ್ಲಿಯಲ್ಲಿ ಎನ್‌ಕೌಂಟರ್‌ : ಕುಖ್ಯಾತ ಗ್ಯಾಂಗ್‌ಸ್ಟರ್‌ ಪರಮ್‌ಜಿತ್‌ ದಲಾಲ್‌ ಅರೆಸ್ಟ್‌

ಹೊಸದಿಲ್ಲಿ : ದಿಲ್ಲಿಯ ರೋಹಿಣಿ ಪ್ರದೇಶದಲ್ಲಿ ಇಂದು ನಸುಕಿನ ವೇಳೆ ದಿಲ್ಲಿ ಪೊಲೀಸ್‌ ವಿಶೇಷ ದಳದವರು ಎನ್‌ಕೌಂಟರ್‌ ನಡೆಸಿ, ತಲೆಗೆ 1 ಲಕ್ಷ ರೂ. ಇನಾಮು ಹೊಂದಿದ್ದ ಕುಖ್ಯಾತ ಗ್ಯಾಂಗ್‌ ಸ್ಟರ್‌ ನನ್ನು ಸೆರೆ ಹಿಡಿದರು.

31ರ ಹರೆಯದ ಬಂಧಿತ ಗ್ಯಾಂಗ್‌ಸ್ಟರ್‌ ಪರಮ್‌ಜಿತ್‌ ದಲಾಲ್‌, ಹರಿಯಾಣದ ಬಹಾದ್ದೂರ್‌ ಗಢದ ನಿವಾಸಿಯಾಗಿದ್ದಾನೆ ಎಂದು ಹಿರಿಯ ಪೊಲೀಸ್‌ ಅಧಿಕಾರಿ ತಿಳಿಸಿದರು.

ರೋಹಿಣಿ ಸೆಕ್ಟರ 37ರ ಎದುರು ಭಾಗದ ಹೆಲಿಪೋರ್ಟ್‌ ರೋಡ್‌ನ‌ಲ್ಲಿ ನಸುಕಿನ 5.15ರ ಸುಮಾರಿಗೆ ಎನ್‌ಕೌಂಟರ್‌ ನಡೆಸಲಾಯಿತು.

ಎಡಕಾಲಿಗೆ ಗುಂಡೇಟುಪಡೆದು ಗಾಯಗೊಂಡ ದಲಾಲ್‌ ನನ್ನು ಬಾಬಾ ಸಾಹೇಬ್‌ ಅಂಬೇಡ್ಕರ್‌ ಆಸ್ಪತ್ರೆಗೆ ಸೇರಿಸಲಾಯಿತೆಂದು ಅವರು ತಿಳಿಸಿದರು.