Advertisement
ಆಸ್ಟ್ರೇಲಿಯದ ಆ್ಯಶ್ಲಿ ಬಾರ್ಟಿ ದಿಢೀರ್‌ ನಿವೃತ್ತಿ ಘೋಷಿಸಿದ್ದರಿಂದ ಐಗಾ ಸ್ವಿಯಾಟೆಕ್‌ಗೆ ವಿಶ್ವದ ನಂ.1 ಆಟಗಾರ್ತಿ ಎನಿಸುವ ಯೋಗ ಲಭಿಸಿತು. ಅಂದಿನಿಂದ ಇದಕ್ಕೆ ತಕ್ಕ ಪ್ರದರ್ಶನವನ್ನೇ ನೀಡುತ್ತ ಬಂದಿರುವುದು ಸ್ವಿಯಾಟೆಕ್‌ ಹೆಗ್ಗಳಿಕೆ. ಸೆಮಿಫೈನಲ್‌ನಲ್ಲಿ ದರಿಯಾ ಕಸತ್ಕಿನಾ ಅವರನ್ನು ಮಣಿಸುವ ಮೂಲಕ ಸ್ವಿಯಾಟೆಕ್‌ ಅವರ ಸತತ ಗೆಲುವಿನ ಓಟ 34ಕ್ಕೆ ಏರಿದೆ. ಇದರೊಂದಿಗೆ ಸೆರೆನಾ ವೀನಸ್‌ ಅವರ ಸಾಧನೆಯನ್ನು ಸಮನಾಗಿಸಿದ್ದಾರೆ. ಫೈನಲ್‌ ಗೆದ್ದರೆ ಅಕ್ಕ ವೀನಸ್‌ ವಿಲಿಯಮ್ಸ್‌ ಅವರ ಸತತ 35ನೇ ಗೆಲುವಿನ ದಾಖಲೆಯನ್ನು ಸರಿದೂಗಿಸಲಿದ್ದಾರೆ.
Related Articles
18 ವರ್ಷದ ಕೊಕೊ ಗಾಫ್ ಪಾಲಿನ ಹೆಗ್ಗಳಿಕೆಯೆಂದರೆ, 2018ರಲ್ಲಿ ಇದೇ ಕೂಟದ ಬಾಲಕಿಯರ ಸಿಂಗಲ್ಸ್‌ ವಿಭಾಗದಲ್ಲಿ ಚಾಂಪಿಯನ್‌ ಆಗಿ ಮೂಡಿಬಂದದ್ದು. ಫೈನಲ್‌ ಹಾದಿಯಲ್ಲಿ ಸಾಧಿಸಿದ 6 ಗೆಲುವಿನ ವೇಳೆ ಒಂದೂ ಸೆಟ್‌ ಕಳೆದುಕೊಳ್ಳದಿರುವುದು ಗಾಫ್ ಅವರ ಮತ್ತೊಂದು ಸಾಧನೆ. ಆಲ್‌ ಅಮೆರಿಕನ್‌ ಕ್ವಾರ್ಟರ್‌ ಫೈನಲ್‌ನಲ್ಲಿ ಸ್ಲೋನ್‌ ಸ್ಟೀಫ‌ನ್ಸ್‌ ಅವರನ್ನು ಕೆಡವಿದ ಸಾಹಸ ಇವರದು.
Advertisement
ಆರಂಭದಲ್ಲಿ ತುಸು ನಿಧಾನ ಗತಿಯಲ್ಲಿ ಆಡುವ ಗಾಫ್, ಒಮ್ಮೆ ಲಯ ಕಂಡುಕೊಂಡ ಬಳಿಕ ಅತ್ಯಂತ ಆಕ್ರಮಣಕಾರಿ ಆಟಕ್ಕೆ ಮುಂದಾಗುತ್ತಾರೆ. ಆಗ ಇವರನ್ನು ತಡೆಯುವುದು ಕಷ್ಟ.
ಕೊಕೊ ಗಾಫ್ 2004ರ ಬಳಿಕ ಗ್ರ್ಯಾನ್‌ಸ್ಲಾಮ್‌ ಫೈನಲ್‌ ಪ್ರವೇಶಿಸಿದ ಅತೀ ಕಿರಿಯ ಆಟಗಾರ್ತಿ ಎಂಬ ಹಿರಿಮೆಗೂ ಪಾತ್ರರಾಗಿದ್ದಾರೆ. ಅಂದು 17ರ ಹರೆಯದ ಮರಿಯಾ ಶರಪೋವಾ ವಿಂಬಲ್ಡನ್‌ ಫೈನಲ್‌ಗೆ ಲಗ್ಗೆಯಿರಿಸಿ, 2 ಬಾರಿಯ ಹಾಲಿ ಚಾಂಪಿಯನ್‌ ಸೆರೆನಾ ವಿಲಿಯಮ್ಸ್‌ಗೆ ಸೋಲುಣಿಸಿ ಚಾಂಪಿಯನ್‌ ಆಗಿ ಮೂಡಿಬಂದಿದ್ದರು. ಕೊಕೊ ಗಾಫ್ ಕಳೆದ 21 ವರ್ಷಗಳಲ್ಲಿ ರೊಲ್ಯಾಂಡ್‌ ಗ್ಯಾರಸ್‌ ಫೈನಲ್‌ ಪ್ರವೇಶಿಸಿದ ಅತೀ ಕಿರಿಯ ಆಟಗಾರ್ತಿ ಎಂಬುದನ್ನೂ ಮರೆಯುವಂತಿಲ್ಲ.