ಬಿಎಸ್‌ಎನ್‌ಎಲ್‌ನಿಂದ ಉಚಿತ ದೂರವಾಣಿ ಕರೆ ಹಿಂತೆಗೆತ

ಬೆಂಗಳೂರು: ಭಾರತ್‌ ಸಂಚಾರ್‌ ನಿಗಮ ಲಿ. (ಬಿಎಸ್‌ಎನ್‌ಎಲ್‌)ನ ಲ್ಯಾಂಡ್‌ಲೈನ್‌, ಕೊಂಬೋ ಹಾಗೂ ಎಫ್‌ಟಿಟಿಎಚ್‌ ದೂರವಾಣಿ ಸಂಪರ್ಕ ಹೊಂದಿರುವ ಗ್ರಾಹಕರಿಗೆ ಎಲ್ಲ ಭಾನುವಾರ ದಿನ‌ದಂದು ನೀಡುತ್ತಿದ್ದ ಉಚಿತ ಅನಿಯಮಿತ ಕರೆ ಸೌಲಭ್ಯವನ್ನು ರದ್ದುಗೊಳಿಸಿದೆ.

ಫೆ.1 ರಿಂದ ಜಾರಿಗೆ ಬರುವಂತೆ ಈ ಸೌಲಭ್ಯವನ್ನು ಹಿಂತೆಗೆದುಕೊಂಡಿರುವ ಬಿಎಸ್‌ಎನ್‌ಎಲ್‌ನ ಪ್ರಸ್ತುತ ಗ್ರಾಹಕರಿಗೂ ಹಾಗೂ ನೂತನ ಸಂಪರ್ಕ ಪಡೆಯುವ ಗ್ರಾಹಕರಿಗೂ ಅನ್ವಯವಾಗಲಿದೆ ಎಂದು ಕರ್ನಾಟಕ ವೃತ್ತದ ಚೀಫ್‌ ಜನರಲ್‌ ಮ್ಯಾನೇಜರ್‌ ಕಚೇರಿಯ ಪ್ರಕಟಣೆ ತಿಳಿಸಿದೆ.