Fraud Case ಪಾರ್ಟ್‌ಟೈಮ್‌ ಕೆಲಸ ಹೆಸರಲ್ಲಿ ವಂಚನೆ

ಸುಳ್ಯ: ಪಾರ್ಟ್‌ಟೈಮ್‌ ಕೆಲಸ ಹೆಸರಿನಲ್ಲಿ ಸುಳ್ಯದ ವ್ಯಕ್ತಿಗೆ ಎರಡು ಲಕ್ಷಕ್ಕೂ ಅಧಿಕ ರೂ. ವಂಚಿಸಿರುವ ಬಗ್ಗೆ ಸಿಇಎನ್‌ ಅಪರಾಧ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸುಳ್ಯದ ನಿವಾಸಿಯ ವಾಟ್ಸ್‌ ಆ್ಯಪ್‌ಗೆ ಜೂ. 12ರಂದು ಪಾರ್ಟ್‌ಟೈಮ್‌ ಕೆಲಸ ನೀಡುವುದಾಗಿ ಹಾಗೂ ಅದಕ್ಕಾಗಿ ಗೂಗಲ್‌ ಮ್ಯಾಪ್‌ನಲ್ಲಿ ಅವರು ಹೇಳುವ ರೆಸ್ಟೋರೆಂಟ್‌ ಕ್ಲಿಕ್‌ ಮಾಡಿ ಅದಕ್ಕೆ 5 ಸ್ಟಾರ್‌ ನೀಡಿ ರಿವ್ಯೂ ಬರೆಯಬೇಕಾಗಿ ತಿಳಿಸಿದಂತೆ, ಸುಳ್ಯದ ವ್ಯಕ್ತಿ ಒಪ್ಪಿದ್ದು, ನಂತರ ಅವರಿಂದ ಬಂದ ಸೂಚನೆಗಳ ಪ್ರಕಾರ, 3 ಟೆಲಿಗ್ರಾಂ ಗ್ರೂಪ್‌ಗೆ ಸೇರಿಕೊಂಡರು. ಅನಂತರ ದಿನಗಳಲ್ಲಿ ಟಾಸ್ಕ್ ಗಾಗಿ ಹಣ ಹಾಕಲು ತಿಳಿಸಿದ್ದಂತೆ ಸುಳ್ಯದ ವ್ಯಕ್ತಿ ಅವರ ಹಾಗೂ ಅವರ ಗೆಳೆಯನ ಬ್ಯಾಂಕ್‌ ಖಾತೆಯಿಂದ ಅಪರಿಚಿತ ವ್ಯಕ್ತಿಗಳು ತಿಳಿಸಿದ ವಿವಿಧ ಬ್ಯಾಂಕ್‌ ಖಾತೆಗಳಿಗೆ ಹಂತ ಹಂತವಾಗಿ 2,18,000/-ಹಣ ವರ್ಗಾಯಿಸಿದ್ದಾರೆ.

ಆದರೆ ಅಪರಿಚಿತ ಆರೋಪಿಗಳು ಮೊತ್ತವನ್ನು ಹಿಂದಿರುಗಿಸದೇ ವಂಚನೆ ಮಾಡಿರುವುದಾಗಿ ಅವರು ಬುಧವಾರ ನೀಡಿದ ದೂರಿನ ಮೇರೆಗೆ ಸಿಇಎನ್‌ ಅಪರಾಧ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.