ಜಿಹಾದ್ ಗೆ ಕುಮ್ಮಕ್ಕು: 6 ತಿಂಗಳು ಧಾರ್ಮಿಕ ಕೇಂದ್ರ ಬಂದ್‌

ಪ್ಯಾರಿಸ್‌: ಧಾರ್ಮಿಕ ಭಾವನೆಗಳನ್ನು ಪ್ರಚೋದಿಸುವ ರೀತಿಯಲ್ಲಿ ಧರ್ಮಗುರುವಿನ ಬೋಧನೆಗಳು ಇವೆ ಎಂಬ ಆರೋಪಗಳಿಗೆ ಸಂಬಂಧಿಸಿದಂತೆ ಫ್ರಾನ್ಸ್‌ನ ಉತ್ತರ ಭಾಗದ ಬೋವೆ (Beauvais) ಎಂಬ ನಗರದಲ್ಲಿ ಧಾರ್ಮಿಕ ಕೇಂದ್ರವನ್ನು ಆರು ತಿಂಗಳು ಕಾಲ ಮುಚ್ಚಲು ಆದೇಶ ನೀಡಲಾಗಿದೆ.

ಈ ಪಟ್ಟಣದಲ್ಲಿ ಸುಮಾರು 50 ಸಾವಿರ ಮಂದಿ ವಾಸಿಸುತ್ತಿದ್ದಾರೆ. ಈ ಪಟ್ಟಣ ಉವಾಸ್‌ (Oise) ಪ್ರಾಂತ್ಯ ವ್ಯಾಪ್ತಿ ಯಲ್ಲಿ ಬರುತ್ತಿದ್ದು, ಸ್ಥಳೀಯ ಅಧಿಕಾರಿಗಳು ಈ ಕ್ರಮ ಕೈಗೊಂಡಿದ್ದಾರೆ. ಧಾರ್ಮಿಕ ಕೇಂದ್ರದಲ್ಲಿ ನೀಡಲಾಗುತ್ತಿದ್ದ ಧರ್ಮ ಬೋಧನೆಗಳು ಜಿಹಾದ್‌ಗೆ ಪ್ರೇರಣೆ ನೀಡುತ್ತಿದ್ದವು ಎಂಬ ಆರೋಪಗಳು ಕೇಳಿ ಬಂದಿದ್ದವು.

ಇದನ್ನೂ ಓದಿ:ಕುವೆಂಪು ಜನ್ಮ ದಿನಾಚರಣೆ ಅಂಗವಾಗಿ ಕಾವ್ಯ ವಾಚನ

ಧರ್ಮಗುರು ಕ್ರಿಶ್ಚಿಯನ್ನರ, ಸಲಿಂಗ ಕಾಮಿಗಳ ಹಾಗೂ ಯೆಹೂದಿಗಳ ವಿರುದ್ಧ ಪ್ರಚೋದನಾಕಾರಿಯಾಗಿ ಮಾತನಾಡಿದ್ದರು ಎಂದು ಫ್ರಾನ್ಸ್‌ ಗೃಹ ಸಚಿವ ಗೆರಾಲ್ಡ್‌ ಡಾರ್ಮನಿನ್‌ ಎರಡು ವಾರಗಳ ಹಿಂದೆ ಆರೋಪಿದ್ದರು.