ಒಡಿಶಾದ ಮಯೂರ್‌ಭಂಜ್‌ ರಸ್ತೆ ಅಪಘಾತದಲ್ಲಿ ನಾಲ್ವರ ಸಾವು

ಬಾರಿಪಾಡಾ, ಒಡಿಶಾ : ಒಡಿಶಾದ ಮಯೂರ್‌ಭಂಜ್‌ ಜಿಲ್ಲೆಯಲ್ಲಿ  ಸಂಭವಿಸಿದ ಎರಡು ಪ್ರತ್ಯೇಕ ರಸ್ತೆ ಅಪಘಾತದಲ್ಲಿ ಒಟ್ಟು ನಾಲ್ವರು ಮೃತಪಟ್ಟಿರುವುದು ವರದಿಯಾಗಿದೆ. 

ಬಡಾಸಾಹಿ – ಬೇತಾನತಿ ರಸ್ತೆಯಲ್ಲಿ ಕೈನ್‌ಸಾರಿ ಸೇತುವೆಯ ಮೇಲೆ ವೇಗವಾಗಿ ಧಾವಿಸಿ ಬರುತ್ತಿದ್ದ ಟ್ರ್ಯಾಕ್ಟರ್‌ ಗೆ ಬೈಕ್‌ ಢಿಕ್ಕಿ ಹೊಡೆದ ಕಾರಣ ಇಬ್ಬರು ಯುವಕರು ಸ್ಥಳದಲ್ಲೇ ಮೃತಪಟ್ಟರು. ಇವರ ಗುರುತನ್ನು ಇನ್ನಷ್ಟೇ ಪತ್ತೆ ಹಚ್ಚಬೇಕಾಗಿದೆ.

ಇನ್ನೊಂದು ಪ್ರಕರಣದಲ್ಲಿ ಎರಡು ಲಾರಿಗಳು ನೇರವಾಗಿ ಪರಸ್ಪರ ಢಿಕ್ಕಿ ಹೊಡೆದುಕೊಂಡಾಗ ಇಬ್ಬರೂ ಚಾಲಕರು ಅಸುನೀಗಿದರು. ಈ ದುರ್ಘ‌ಟನೆ ಆನಂದಪುರ – ಠಾಕೂರ್‌ಮುಂಡಾ ರಸ್ತೆಯಲ್ಲಿ  ಗೋಡಾಭಾಂಗ ಘಾಟ್‌ನಲ್ಲಿ ನಡೆಯಿತು.