Mumbai: 10ಲ.ರೂ.ಗಳಿಗೂ ಅಧಿಕ ಮೌಲ್ಯದ ನಿಷೇಧಿತ ಗುಟ್ಕಾ ಸಹಿತ ನಾಲ್ವರ ಬಂಧನ

ಮುಂಬಯಿ: ನಾಲ್ಕು ಟ್ರಕ್‌ಗಳಲ್ಲಿ ನಿಷೇಧಿತ ಗುಟ್ಕಾ ಸಾಗಿಸು ತ್ತಿದ್ದ ನಾಲ್ವರನ್ನು ಬಂಧಿಸಿರುವ ಪೊಲೀಸ್‌ ಅಧಿಕಾರಿ ದಯಾ ನಾಯಕ್‌ ನೇತೃತ್ವದ ತಂಡವು ಒಟ್ಟು 10,73,44,000 ರೂ. ಮೌಲ್ಯದ ನಿಷೇಧಿತ ಗುಟ್ಕಾ ಸಹಿತ ನಾಲ್ಕು ಲಾರಿಗಳನ್ನು ವಶಪಡಿಸಿಕೊಂಡಿದೆ.

ಪಾಲ್ಘರ್‌ ಜಿಲ್ಲೆಯ ಕಾಸಾ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಈ ಕಾರ್ಯಾಚರಣೆ ನಡೆಸಲಾಗಿದ್ದು, ಬಂಧಿತ ಆರೋಪಿಗಳನ್ನು ಟ್ರಕ್‌ಗಳ ಚಾಲಕರಾದ ಸಂಜಯ್‌ ಶ್ಯಾಮ್‌ ಖಾರತ್‌ (34), ಜಮೀರ್‌ ಮನ್ನನ್‌ ಸೈಯದ್‌ (32), ನಾಸೀರ್‌ ಮೊಹಮ್ಮದ್‌ ಅಲಿ (40) ಮತ್ತು ಹಿರಾಲಾಲ್‌ ವಾಸು ಮಂಡಲ್‌ (52) ಎಂದು ಗುರುತಿಸಲಾಗಿದೆ. ಕಳೆದ ಹಲವು ದಿನಗಳಲ್ಲಿ ನಡೆಸಿದ ಕಾರ್ಯಾ ಚರಣೆಯಲ್ಲಿ 1,80,00,000 ರೂ. ಮೌಲ್ಯದ 6 ಟ್ರಕ್‌ಗಳು ಸಹಿತ ಒಟ್ಟು 12,12,62,900 ರೂ. ಮೌಲ್ಯದ ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದೇವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.