ಭಾರತ್‌ ಬೀಡಿ ವರ್ಕ್ಸ್ ಸಂಸ್ಥಾಪಕರ ದಿನಾಚರಣೆ

ಮಂಗಳೂರು: ಕದ್ರಿ ರಸ್ತೆಯಲ್ಲಿರುವ ಪ್ರಖ್ಯಾತ 30 ಮಾರ್ಕಿನ ಬೀಡಿಗಳ ತಯಾರಕರಾದ ಭಾರತ್‌ ಬೀಡಿ ವರ್ಕ್ಸ್ ಪ್ರೈವೆಟ್ ಸಂಸ್ಥೆಯ 106ನೇ ಸಂಸ್ಥಾಪಕರ ದಿನಾಚರಣೆ ಸಂಸ್ಥೆಯ ಕೇಂದ್ರ ಕಚೇರಿಯಲ್ಲಿ ಶುಕ್ರವಾರ ನಡೆಯಿತು.

ಕಾರ್ಯದರ್ಶಿ ವಾಸುದೇವ ಎಂ. ಪೈ ಸಂಸ್ಥೆಯು ಬೆಳೆದು ಬಂದ ರೀತಿ, ಸಂಸ್ಥಾಪಕ ಬಿ. ಮಂಜುನಾಥ ಪೈ ಅವರ ಶ್ರಮದ ಬಗ್ಗೆ ಮಾತನಾಡಿದರು. ಲೆಕ್ಕ ಪರಿಶೋಧಕ ಶಿವಾನಂದ ಪೈ, ಸಂಸ್ಥೆಯ ಬೆಳವಣಿಗೆಗೆ ಸಂಸ್ಥಾಪಕರು, ಇತರ ನಿರ್ದೇ ಶಕರ ಕೊಡುಗೆಯನ್ನು ಸ್ಮರಿಸಿ ದರು.

ನಿರ್ದೇಶಕರಾದ ನಾಗೇಂದ್ರ ಡಿ. ಪೈ, ಸುಬ್ರಾಯ ಎಂ. ಪೈ, ವೆಂಕಟೇಶ್‌ ಎಂ. ಪೈ ಉಪಸ್ಥಿತರಿದ್ದರು. ನಿರ್ದೇಶಕರಾದ ಅನಂತ್‌ ಜಿ. ಪ್ರಸ್ತಾವನೆಗೈದು, ಸುಧೀರ್‌ ಎಂ. ಪೈ ವಂದಿಸಿದರು.