ಪುತ್ರನ ಔದಾರ್ಯ: ಉಪಚುನಾವಣೆ ಗೆದ್ದ ನಾಗಾಲ್ಯಾಂಡ್‌ ಮಾಜಿ ಸಿಎಂ

ಕೊಹಿಮಾ : ನಾಗಾಲ್ಯಾಂಡ್‌ ಮಾಜಿ ಮುಖ್ಯಮಂತ್ರಿ ಮತ್ತು ಆಳುವ ನಾಗಾ ಪೀಪಲ್ಸ್‌ ಫ್ರಂಟ್‌ (ಎನ್‌ಪಿಎಫ್) ಇದರ ನಾಮಾಂಕಿತ ಅಭ್ಯರ್ಥಿಯಾಗಿದ್ದ ಡಾ. ಶುರೋಝೆಲೀ ಲೀಝೆತ್ಸು ಅವರು 10-ಉತ್ತರ ಅಂಗಾಮಿ-1 ವಿಧಾನಸಭಾ ಕ್ಷೇತ್ರಕ್ಕೆ ನಡೆದಿದ್ದ ಉಪ ಚುನಾವಣೆಯಲ್ಲಿ ಜಯ ಸಾಧಿಸಿದ್ದಾರೆ. 

ಡಾ. ಲೀಝೆತ್ಸು ಅವರಿಗೆ 8,026 ಮತಗಳು ಪ್ರಾಪ್ತವಾಗಿವೆ; ಅವರ ನಿಕಟ ಏಕೈಕ ಎದುರಾಳಿಯಾಗಿದ್ದ ಪಕ್ಷೇತರ ಅಭ್ಯರ್ಥಿ ಕೇಖ್‌ರೀ ಯೋಮೆ ಅವರಿಗೆ 4,558 ಮತಗಳು ಪ್ರಾಪ್ತವಾಗಿವೆ. ಹಾಗಾಗಿ ಲೀಝೆತ್ಸು ಅವರ ವಿಜಯ 3,470 ಮತಗಳ ಅಂತರದಲ್ಲಿ ದಾಖಲಾಗಿದೆ. 

ಈ ಉಪ ಚುನಾವಣೆಗೆ ಲೀಝೆತ್ಸು ಅವರ ಪುತ್ರ, ಹಾಲಿ ಶಾಸಕ ಕ್ರೀಹು ಲೀಝೆತ್ಸು ಕಳೆದ ಮೇ 24ರಂದು ನೀಡಿದ್ದ ರಾಜೀನಾಮೆಯೇ ಕಾರಣವಾಯಿತು. ತಂದೆ ವಿಧಾನಸಭೆಗೆ ಚುನಾಯಿತರಾಗುವುದಕ್ಕಾಗಿ ಪುತ್ರ ತನ್ನ ಶಾಸಕತ್ವಕ್ಕೆ ರಾಜೀನಾಮೆ ನೀಡಿದ್ದರು.