Advertisement
ನಡೆದಿದ್ದೇನು?ನ್ಯೂಟೌನ್‌ ಸ್ಕ್ವೇರ್‌ನ ರಾಕ್‌ವುಡ್‌ ರಸ್ತೆಯಲ್ಲಿ ಇಕ್ಬಾಲ್‌ ಸಿಂಗ್‌ ಮನೆ ಇದೆ. ಆ ಮನೆಯ ಮೊದಲನೇ ಮಹಡಿಯಲ್ಲಿ ಇಕ್ಬಾಲ್‌ ತಾಯಿ ನಸೀಬ್‌ ಕೌರ್‌ (90 ) ನಿಸ್ತೇಜಗೊಂಡು ಬಿದ್ದಿದ್ದರು. ಮೆಟ್ಟಿಲ ಮೇಲೆ ಪತ್ನಿ ಜಸ್ಪಾಲ್‌ ಕೌರ್‌ ಶವ ಸಿಕ್ಕಿದೆ. ಇಬ್ಬರ ಕತ್ತನ್ನು ಸೀಳಿ ಕೊಲೆ ಮಾಡಲಾಗಿದೆ. ಬಳಿಕ ತಮ್ಮನ್ನು ತಾವೇ ಇಕ್ಬಾಲ್‌ ಇರಿದುಕೊಂಡಿದ್ದಾರೆ. ಪರಿಣಾಮ, ಸ್ವತಃ ಅವರೇ ರಕ್ತಮಯವಾಗಿದ್ದರು.
ಪಂಜಾಬ್‌ನ ಹೋಶಿಯಾರ್‌ಪುರ ಜಿಲ್ಲೆಯ ಉರ್ಮರ್‌ ತಂಡಾದಲ್ಲಿ ಇಕ್ಬಾಲ್‌ ಸಿಂಗ್‌ ಜನಿಸಿದರು. ಭಾರತದ ಅಗ್ರ 20 ಶಾಟ್‌ಪುಟ್‌ ಸ್ಪರ್ಧಿಗಳಲ್ಲಿ ಇವರೂ ಒಬ್ಬರು. 18.77 ಮೀ. ಅವರ ಶ್ರೇಷ್ಠ ಸಾಧನೆ. ಆರಂಭದಲ್ಲಿ ಟಾಟಾ ಸ್ಟೀಲ್‌ನಲ್ಲಿ ಉದ್ಯೋಗಿಯಾಗಿದ್ದ ಅವರು, ಅನಂತರ ಪಂಜಾಬ್‌ ಪೊಲೀಸ್‌ನಲ್ಲಿ ಇನ್ಸ್‌ಪೆಕ್ಟರ್‌ ಆಗಿದ್ದರು. ಬಳಿಕ ಅಮೆರಿಕದಲ್ಲಿ ನೆಲೆ ನಿಂತರು. ಸದ್ಯ ಅಲ್ಲಿ ಕ್ಯಾಬ್‌ ಚಾಲಕನಾಗಿ ವೃತ್ತಿ ನಿರ್ವಹಿಸುತ್ತಿದ್ದಾರೆ.