ಮಾಜಿ ಸಿಪಿಎಂ ಸಂಸದ ದಿನೇಶ್‌ ಚಂದ್ರ ಜೋರ್‌ದಾರ್‌ ವಿಧಿವಶ

ಮಾಲ್ಡಾ, ಪಶ್ಚಿಮ ಬಂಗಾಲ : ಮಾಜಿ ಸಿಪಿಎಂ ಸಂಸದ ದಿನೇಶ್‌ ಚಂದ್ರ ಜೋರ್‌ದಾರ್‌ ಅವರು ತಮ್ಮ 91ರ ಹರೆಯದಲ್ಲಿ  ಇಲ್ಲಿನ ತಮ್ಮ ನಿವಾಸದಲ್ಲಿ  ನಿಧನ ಹೊಂದಿರುವುದಾಗಿ ಅವರ ಕುಟುಂಬದವರು ತಿಳಿಸಿದ್ದಾರೆ. ದಿನೇಶ್‌ ಚಂದ್ರ ಅವರು ಓರ್ವ ಪುತ್ರನನ್ನು ಅಗಲಿದ್ದಾರೆ. 

ದಿನೇಶ್‌ ಚಂದ್ರ ಅವರು 1971ರಲ್ಲಿ  ಮತ್ತು 1977ರಲ್ಲಿ ಮಾಲ್ಡಾ ಲೋಕಸಭಾ ಕ್ಷೇತ್ರದಲ್ಲಿ ಗೆದ್ದಿದ್ದರು. 1977ರ ಲೋಕಸಭಾ ಚುನಾವಣೆಯಲ್ಲಿ ದಿನೇಶ್‌ ಚಂದ್ರ ಅವರು ಕಾಂಗ್ರೆಸ್‌ ಅಭ್ಯಥಿಯಾಗಿದ್ದ ಪ್ರಣಬ್‌ ಮುಖರ್ಜಿ ಅವರನ್ನು ಸೋಲಿಸಿದ್ದರು. 

ದಿನೇಶ್‌ ಚಂದ್ರ ಅವರು 1987 ಮತ್ತು 1992ರಲ್ಲಿ ಮಾಲ್ಡಾ ವಿಧಾನಸಭಾ ಕ್ಷೇತ್ರದಿಂದ ಶಾಸಕರಾಗಿ ಜಯಿಸಿದ್ದರು.