Andhra ಮಾಜಿ ಸಿಎಂ ಚಂದ್ರಬಾಬು ನಾಯ್ಡು ಆಸ್ತಿ 810 ಕೋಟಿ ರೂ.!

ಅಮರಾವತಿ: ಆಂಧ್ರಪ್ರದೇಶದ ಮಾಜಿ ಸಿಎಂ, ಟಿಡಿಪಿ ನಾಯಕ ಚಂದ್ರಬಾಬು ನಾಯ್ಡು 810 ಕೋಟಿ ರೂ. ಆಸ್ತಿ ಘೋಷಿಸಿದ್ದಾರೆ. 5 ವರ್ಷದಲ್ಲಿ ಅವರ ಆಸ್ತಿಯು ಶೇ.41ರಷ್ಟು ಏರಿಕೆಯಾಗಿದೆ ಎಂದು ಅಫಿದವಿತ್‌ನಲ್ಲಿ ಹೇಳಿ ಕೊಂಡಿದ್ದಾರೆ. ನಾಯ್ಡು ಪತ್ನಿ ಎನ್‌. ಭುವನೇಶ್ವರಿ ಶುಕ್ರವಾರ ತಮ್ಮ ಪತಿ ಪರವಾಗಿ ಕುಪ್ಪಮ್‌ ವಿಧಾನಸಭೆ ಕ್ಷೇತ್ರದಲ್ಲಿ ನಾಮಪತ್ರ ಸಲ್ಲಿಸಿದರು. ಆಂಧ್ರದಲ್ಲಿ ಮೇ 13ರಂದು ಲೋಕಸಭೆ ಜತೆಗೆ ವಿಧಾನಸಭೆಗೂ ಚುನಾವಣೆ ನಡೆಯಲಿದೆ. ನಾಯ್ಡು ಆಸ್ತಿಯಲ್ಲಿ ಹೆಚ್ಚಿನ ಪಾಲನ್ನು ಪತ್ನಿ ಭುವನೇಶ್ವರಿ ಹೊಂದಿದ್ದಾರೆ. ಅವರ ಬಳಿ, 337 ಕೋಟಿ ರೂ. ಮೌಲ್ಯದ ಹೆರಿಟೇಜ್‌ ಫ‌ುಡ್ಸ್‌ ಲಿ. 2.26 ಕೋಟಿ ಷೇರುಗಳನ್ನು ಹೊಂದಿದ್ದಾರೆ.