ಭಾರತದ ವಿದೇಶೀ ವಿನಿಮಯ ಮೀಸಲು ದಾಖಲೆ ಮಟ್ಟಕ್ಕೆ ನಿಕಟ; ಜೂ. 7ಕ್ಕೆ 423.554 ಬಿ. ಡಾಲರ್‌

ಮುಂಬಯಿ : ಭಾರತದ ವಿದೇಶೀ ವಿನಿಮಯ ಮೀಸಲು ಸಂಗ್ರಹ 1.686 ಬಿಲಿಯ ಡಾಲರ್‌ ಏರುವ ಮೂಲಕ ಜೂನ್‌ 7ಕ್ಕೆ ಕೊನೆಗೊಂಡ ವಾರದಲ್ಲಿ ಐತಿಹಾಸಿಕ ದಾಖಲೆ ಮಟ್ಟಕ್ಕೆ  ನಿಕಟವಾಗಿ 423.554 ಬಿಲಿಯ ಡಾಲರ್‌ ತಲುಪಿದೆ ಎಂದು ಆರ್‌ಬಿಐ ಇಂದು ಶುಕ್ರವಾರ ಪ್ರಕಟಿಸಿರುವ ಅಂಕಿ ಅಂಶ ತಿಳಿಸಿದೆ.

ಹಿಂದಿನ ವಾರದಲ್ಲಿ ವಿದೇಶೀ ವಿನಿಮಯ ಸಂಗ್ರಹದಲ್ಲಿ 1.875 ಬಿಲಿಯ ಡಾಲರ್‌ ಹೆಚ್ಚಳವಾಗಿ 421.867 ಬಿಲಿಯ ಡಾಲರ್‌ ಮಟ್ಟಕ್ಕೆ ತಲುಪಿತ್ತು.

2018ರ ಎಪ್ರಿಲ್‌ ನಲ್ಲಿ ಭಾರತದ ವಿದೇಶೀ ವಿನಿಮಯ ಸಂಗ್ರಹ 426.028 ಬಿಲಿಯ ಡಾಲರ್‌ಗಳ ದಾಖಲೆಯ ಎತ್ತರವನ್ನು ತಲುಪಿತ್ತು.