ಎಫ್‌ಎಂಡಿ ಲಸಿಕಾ ಅಭಿಯಾನ

ನಾರಾಯಣಪುರ: ಸರ್ಕಾರಿ ಪಶು ಆಸ್ಪತ್ರೆ ವ್ಯಾಪ್ತಿಯಲ್ಲಿ ಬರುವ ವಿವಿಧ ಗ್ರಾಮಗಳಲ್ಲಿನ ಜಾನುವಾರುಗಳಿಗೆ ಎಫ್‌ಎಂಡಿ ಲಸಿಕೆ ಹಾಕಲಾಗುತ್ತಿದೆ ಎಂದು ಪಶು ಆಸ್ಪತ್ರೆಯ ವೈದ್ಯ ಡಾ| ಮಹಬೂಬ ಸಾಹೇಬ ಖಾಜಿ ಹೇಳಿದರು.

ಪಶು ಆಸ್ಪತ್ರೆ ವ್ಯಾಪ್ತಿಯ ಗ್ರಾಮಗಳ ಜಾನುವಾರುಗಳಿಗೆ ರಾಷ್ಟ್ರೀಯ ಜಾನುವಾರು ರೋಗ ನಿಯಂತ್ರಣ ಕಾರ್ಯಕ್ರಮದಡಿ 3ನೇ ಸುತ್ತಿನ ಎಫ್‌ ಎಂಡಿ ಲಸಿಕಾ ಅಭಿಯಾನಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ಕಾಲು ಬಾಯಿ ರೋಗ ನಿಯಂತ್ರಣಕ್ಕೆ ಎಫ್‌ಎಂಡಿ ಲಸಿಕೆ ಅತ್ಯಂತ ಪರಿಣಾಮಕಾರಿಯಾಗಿದೆ. ಪೂರ್ವಭಾವಿಯಾಗಿ ಹಾಕುವ ಲಸಿಕೆಯಿಂದ ಪಶುಗಳಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿ ರೋಗ ಬರದಂತೆ ತಡೆಗಟ್ಟುತ್ತದೆ. ಲಸಿಕಾ ಅಭಿಯಾನವು ನ.20ರ ವರೆಗೆ ನಡೆಯಲಿದೆ. ಇಲಾಖೆಯವರು ಲಸಿಕೆ ಹಾಕಲು ಬಂದಾಗ ರೈತರು ತಮ್ಮ ಜಾನುವಾರುಗಳಿಗೆ ಲಸಿಕೆ ಹಾಕಿಸಲು ಸಹಕಾರ ನೀಡುವ ಮೂಲಕ ಯೋಜನೆಯ ಸದುಪಯೋಗ ಪಡೆಯಬೇಕು ಎಂದರು.

ಚನ್ನಯ್ಯ, ಲಿಂಗಪ್ಪ, ಸೊಯಲ್‌ ಗುಲಾಮ, ವಿನೋಧ, ಪುಂಡಲಿಕ, ಮಹ್ಮದ್‌ ಚೌದ್ರಿ, ಗ್ರಾಮದ ಭೀಮನಗೌಡ, ಶಣ್ಮುಕಪ್ಪಗೌಡ, ಸೋಮನಗೌಡ ಇದ್ದರು.