ವಂದೇ ಭಾರತ್ ಮಿಷನ್; ಜೂನ್ 10 to 16: ಸೌದಿಯಿಂದ ಬೆಂಗಳೂರು ವಿಮಾನಗಳ ಪಟ್ಟಿ ಬಿಡುಗಡೆ

ರಿಯಾದ್: ಕೋವಿಡ್ 19 ಲಾಕ್ ಡೌನ್ ನಿಂದಾಗಿ ವಿದೇಶಗಳಲ್ಲಿ ಸಿಕ್ಕಿಹಾಕಿಕೊಂಡಿರುವ ಭಾರತೀಯರನ್ನು ಭಾರತಕ್ಕೆ ಕರೆತರುವ ವಂದೇ ಭಾರತ್ ಮಿಷನ್ ನ ಮೂರನೇ ಹಂತ ಜೂನ್ 10ರಿಂದ ಆರಂಭವಾಗಲಿದ್ದು, ಜುಲೈ 1ರವರೆಗೂ ವಿಮಾನಗಳು ಭಾರತೀಯ ಪ್ರಯಾಣಿಕರನ್ನು ತಾಯ್ನಾಡಿಗೆ ಕರೆತರಲಿದೆ. ಅಲ್ಲದೇ ಜೂನ್ 10ರಿಂದ 16ರವರೆಗೆ ಸೌದಿಅರೇಬಿಯಾದಲ್ಲಿರುವ ಭಾರತೀಯರನ್ನು ಬೆಂಗಳೂರು, ಕೋಝಿಕೋಡ್, ಕಣ್ಣೂರು, ತಿರುವನಂತಪುರಕ್ಕೆ ವಿಮಾನಗಳಲ್ಲಿ ಕರೆತರುವ ವಿಮಾನಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಸೌದಿ ಅರೇಬಿಯಾದಿಂದ ಜೂನ್ 12ರಂದು ದಮ್ಮಾಮ್ ನಿಂದ ಬೆಂಗಳೂರಿಗೆ ಭಾರತೀಯರು ಆಗಮಿಸಲಿದ್ದಾರೆ. ಜೂನ್ 13ರಂದು ಜೆಡ್ಡಾದಿಂದ ಬೆಂಗಳೂರಿಗೆ, ಜೂನ್ 15ರಂದು ರಿಯಾದ್ ನಿಂದ ಬೆಂಗಳೂರಿಗೆ ಪ್ರಯಾಣಿಕರು ಆಗಮಿಸಲಿದ್ದಾರೆ ಎಂದು ರಿಯಾದ್ ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿ ಟ್ವೀಟ್ ಮೂಲಕ ತಿಳಿಸಿದೆ.

ಅಷ್ಟೇ ಅಲ್ಲ ಜೂನ್ 10ರಿಂದ ರಿಯಾದ್ ನಿಂದ ಕೋಝಿಕೋಡ್, ಕಣ್ಣೂರು, ಕೊಚ್ಚಿ, ತಿರುವನಂತಪುರಕ್ಕೆ ಪ್ರಯಾಣಿಕರು ಆಗಮಿಸಲಿದ್ದಾರೆ. ರಿಯಾದ್ ನಿಂದ ಯಾವಾಗ ಯಾವ ವಿಮಾನದಲ್ಲಿ ಹೊರಡಲಿದ್ದಾರೆ ಎಂಬ ಪಟ್ಟಿ ಇಲ್ಲಿದೆ…