ಜನವರಿ ಕೊನೆಯ ವಾರದಿಂದ ಒಂದರ ಹಿಂದೊಂದು ಬಿಗ್‌ ಬಜೆಟ್‌ ಮತ್ತು ಬಿಗ್‌ ಸ್ಟಾರ್ ಸಿನಿಮಾಗಳು ಬರುತ್ತಿದ್ದು, ಈಗಾಗಲೇ ಈ ಸಿನಿಮಾಗಳ ಬಿಡುಗಡೆಯ ಡೇಟ್ಸ್‌ ಕೂಡ ಅನೌನ್ಸ್‌ ಆಗಿದೆ.
ಎರಡು ವಾರಗಳ ಅಂತರದಲ್ಲಿ ಬಜೆಟ್‌ ಮತ್ತು ಬಿಗ್‌ ಸ್ಟಾರ್ ಸಿನಿಮಾಗಳು ತೆರೆಗೆ ಬರುತ್ತಿರುವುದರಿಂದ, ಈ ಸಿನಿಮಾಗಳ ನಡುವಿನ ಸಮಯ ನೋಡಿಕೊಂಡು ಬಹುತೇಕ ಹೊಸಬರ ಸಿನಿಮಾಗಳು ತೆರೆಗೆ ಬರಲು ಪ್ಲಾನ್‌ ಹಾಕಿಕೊಂಡಿವೆ.
ಇನ್ನು ಕಳೆದ ವಾರ ಧ್ರುವ ಸರ್ಜಾ ಅಭಿನಯದ (ಫೆ.19) “ಪೊಗರು’ ಚಿತ್ರ ಬಿಡುಗಡೆಯಾಗಿದ್ದರಿಂದ, “ಪೊಗರು’ ಚಿತ್ರದ ಮುಂದೆ ಯಾವುದೇ ಹೊಸಬರ ಚಿತ್ರಗಳು ಬಿಡುಗಡೆಯಾಗಿರಲಿಲ್ಲ. ಇನ್ನು ಈ ವಾರ ಯಾವುದೇ ಬಿಗ್‌ ಬಜೆಟ್‌, ಬಿಗ್‌ ಸ್ಟಾರ್ ಚಿತ್ರಗಳು ಬಿಡುಗಡೆಯಾಗದಿರುವುದರಿಂದ, ಈ ಗ್ಯಾಪ್‌ನಲ್ಲಿ ಒಂದಷ್ಟು ಹೊಸಬರ ಚಿತ್ರಗಳು ಥಿಯೇಟರ್‌ಗೆ ಬರಲು ತಯಾರಾಗಿವೆ.
ಇದನ್ನೂ ಓದಿ:ಕಮಲ ಮುಡಿದ ನಟಿ ಪಾಯೆಲ್ ಸರ್ಕಾರ್…!
ಅಂದಹಾಗೆ, ಈ ವಾರ ಕನ್ನಡದಲ್ಲಿ ಬರೋಬ್ಬರಿ ಆರು ಚಿತ್ರಗಳು ಬಿಡುಗಡೆಯಾಗುತ್ತಿವೆ. “ಪ್ರೇಮನ್‌’, “ಸೈನೈಡ್‌ ಮಲ್ಲಿಕ’, “ಕರ್ತ’, “ಸ್ಕೇರಿ ಫಾರೆಸ್ಟ್‌’, “ಸಾಲ್ಟ್’, “ಅಂಬಾನಿ ಪುತ್ರ’ ಈ ವಾರ ಬಿಡುಗಡೆಯಾಗುತ್ತಿರುವ ಆರು ಚಿತ್ರಗಳು. ಲವ್‌, ಸಸ್ಪೆನ್ಸ್‌ – ಥ್ರಿಲ್ಲರ್‌, ಹಾರರ್‌ – ಥ್ರಿಲ್ಲರ್‌, ಆ್ಯಕ್ಷನ್‌, ಸೆಂಟಿಮೆಂಟ್‌, ಹೀಗೆ ಎಲ್ಲ ಥರದ ಚಿತ್ರಗಳೂ ಈ ವಾರ ತೆರೆಗೆ ಬರುತ್ತಿರುವುದರಿಂದ, ಪ್ರೇಕ್ಷಕ ಪ್ರಭುಗಳ ಅಭಿರುಚಿಗೆ ತಕ್ಕಂತ ಸಿನಿಮಾಗಳನ್ನು ನೋಡುವ ಆಯೆ ಥಿಯೇಟರ್‌ಗಳ ಮುಂದಿದೆ.
ಈ ಆರು ಚಿತ್ರಗಳ ಪೈಕಿ ಎಲ್ಲ ಚಿತ್ರಗಳು ಕೂಡ ಹೊಸಬರದ್ದೇ ಆಗಿದ್ದು, ಯಾವ ಯಾವ ಸಿನಿಮಾಗಳು ಎಷ್ಟರ ಮಟ್ಟಿಗೆ ಸಿನಿಪ್ರಿಯರಿಗೆ ಇಷ್ಟವಾಗಲಿವೆ ಅನ್ನೋದು ಇದೇ ವಾರಾಂತ್ಯದಲ್ಲಿ ಗೊತ್ತಾಗಲಿದೆ.
