Advertisement
ಇದರಲ್ಲಿ ನಾಯಕ ಪೃಥ್ವಿ ಶಾ, ಶುಭಂ ಗಿಲ್‌ ಸೇರಿದಂತೆ ಭಾರತದ ಸರ್ವಾಧಿಕ 5 ಮಂದಿ ಆಟಗಾರರು ಸ್ಥಾನ ಸಂಪಾದಿಸಿದ್ದಾರೆ.
ಅಚ್ಚರಿಯೆರಂದರೆ ವಿಶ್ವಕಪ್ ವಿಜೇತ ತಂಡದ ನಾಯಕ ಪೃಥ್ವಿ ಶಾ ಅವರಿಗೆ ಈ ತಂಡದ ನಾಯಕತ್ವ ಲಭಿಸದಿರುವುದು. ಇದು ದಕ್ಷಿಣ ಆಫ್ರಿಕಾದ ರೆನಾರ್ಡ್‌ ವಾನ್‌ ಟಂಡರ್‌ ಪಾಲಾಗಿದೆ. ದಕ್ಷಿಣ ಆಫ್ರಿಕಾದರೇ ಆದ ವಾಂಡಿಲ್‌ ಮಕ್ವೆ ಟು ವಿಕೆಟ್‌ ಕೀಪರ್‌ ಆಗಿ ಆಯ್ಕೆಯಾಗಿದ್ದಾರೆ.
Related Articles
Advertisement
ಟಾಪ್‌-3 ಯಾದಿಯಲ್ಲಿ ಭಾರತದ ಮೂವರೇ ಅಲಂಕರಿಸಿದ್ದಾರೆ. ಪೃಥ್ವಿ ಶಾ-ಮನ್‌ಜೋತ್‌ ಕಾಲ್ರಾ ಆರಂಭಿಕರಾಗಿದ್ದು, ವನ್‌ಡೌನ್‌ನಲ್ಲಿ ಶುಭಮನ್‌ ಗಿಲ್‌ ಇದ್ದಾರೆ. ಕಾಲ್ರಾ ಫೈನಲ್‌ನಲ್ಲಿ ಅಜೇಯ 101 ರನ್‌ ಬಾರಿಸಿ ಭಾರತದ ಜಯದಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು. ಗಿಲ್‌ ಕ್ರಮವಾಗಿ 63, ಅಜೇಯ 90, 86, ಅಜೇಯ 102 ಹಾಗೂ 31 ರನ್‌ ಸಹಿತ ಒಟ್ಟು 372 ರನ್‌ ಪೇರಿಸಿದ್ದರು. ಈ ಸರಣಿಯ ಸರ್ವಾಧಿಕ ರನ್‌ ಸಾಧಕರ ಯಾದಿಯಲ್ಲಿ ಗಿಲ್‌ ಅವರಿಗೆ ದ್ವಿತೀಯ ಸ್ಥಾನ. ವೆಸ್ಟ್‌ ಇಂಡೀಸಿನ ಅಲಿಕ್‌ ಅತನೇಜ್‌ 418 ರನ್ನುಗಳೊಂದಿಗೆ ಅಗ್ರಸ್ಥಾನ ಅಲಂಕರಿಸಿದ್ದಾರೆ. ಆದರೆ ಅತನೇಜ್‌ ಅವರಿಗೆ ಐಸಿಸಿ ತಂಡದ ಯಾದಿಯಲ್ಲಿ ಲಭಿಸಿರುವುದು 12ನೇ ಆಟಗಾರನ ಸ್ಥಾನ.
ಐಸಿಸಿ ಅಂಡರ್‌-19 ಸಾಧಕರ ತಂಡ1. ಪೃಥ್ವಿ ಶಾ (ಭಾರತ, 261 ರನ್‌)
2. ಮನ್‌ಜೋತ್‌ ಕಾಲ್ರಾ (ಭಾರತ, 252 ರನ್‌)
3. ಶುಭಮನ್‌ ಗಿಲ್‌ (ಭಾರತ, 372 ರನ್‌)
4. ಫಿಲ್‌ ಅಲೆನ್‌ (ನ್ಯೂಜಿಲ್ಯಾಂಡ್‌, 338 ರನ್‌)
5. ರೆನಾರ್ಡ್‌ ವಾನ್‌ ಟಂಡರ್‌ (ದಕ್ಷಿಣ ಆಫ್ರಿಕಾ, ನಾಯಕ, 348 ರನ್‌)
6. ವಾಂಡಿಲ್‌ ಮಕೆಟುÌ (ವಿ.ಕೀ., 184 ರನ್‌, 11 ಕ್ಯಾಚ್‌)
7. ಅನುಕೂಲ್‌ ರಾಯ್‌ (ಭಾರತ, 14 ವಿಕೆಟ್‌)
8. ಕಮಲೇಶ್‌ ನಾಗರಕೋಟಿ (ಭಾರತ, 9 ವಿಕೆಟ್‌)
9. ಗೆರಾಲ್ಡ್‌ ಕೋಝಿ (ದಕ್ಷಿಣ ಆಫ್ರಿಕಾ, 8 ವಿಕೆಟ್‌)
10. ಕೈಸ್‌ ಅಹ್ಮದ್‌ (ಅಫ್ಘಾನಿಸ್ಥಾನ, 14 ವಿಕೆಟ್‌)
11. ಶಾಹೀನ್‌ ಅಫ್ರಿದಿ (ಪಾಕಿಸ್ಥಾನ, 12 ವಿಕೆಟ್‌)
12. ಅಲಿಕ್‌ ಅತನೇಜ್‌ (ವೆಸ್ಟ್‌ ಇಂಡೀಸ್‌, 418 ರನ್‌)