ಜಿಡಿಪಿ ಪ್ರಗತಿ ದರದ ನಿರೀಕ್ಷೆ ಹೆಚ್ಚಳ: ಶೇ.6.3ಕ್ಕೇರುವ ಸಾಧ್ಯತೆ

ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕ ಪ್ರಗತಿಯು ಜಗತ್ತಿನಲ್ಲೇ ಅತಿ ಹೆಚ್ಚಿನ ಪ್ರಗತಿ ಹೊಂದಲ್ಲಿದ್ದು, ದೇಶದ ಜಿಡಿಪಿ ಬೆಳವಣಿಗೆ ದರ ಶೇ.6.3ಕ್ಕೇರುವ ಸಾಧ್ಯತೆಯಿದೆ ಎಂದು ಫಿಚ್‌ ರೇಟಿಂಗ್‌ ಸಂಸ್ಥೆ ಅಂದಾಜಿಸಿದೆ.

ಕಳೆದ ಮಾರ್ಚ್‌ ತಿಂಗಳಲ್ಲಿ ಫಿಚ್‌ ಸಂಸ್ಥೆಯು ಭಾರತದ ಜಿಡಿಪಿ ಪ್ರಗತಿ ದರವನ್ನು ಶೇ.6 ಎಂದು ಅಂದಾಜಿಸಿತ್ತು. ಆದರೆ, ಉತ್ಪಾದನೆ ಮತ್ತು ಮೂಲಸೌಕರ್ಯ ವೆಚ್ಚ ಹೆಚ್ಚಳ, ಬ್ಯಾಂಕುಗಳ ಸಾಲದಲ್ಲಾಗಿರುವ ಬೆಳವಣಿಗೆಯು ದೇಶದ ಅರ್ಥವ್ಯವಸ್ಥೆಗೆ ವರವಾಗಿ ಪರಿಣಮಿಸಿದೆ. ಇದೆಲ್ಲದರ ಪರಿಣಾಮವೆಂಬಂತೆ ಜಿಡಿಪಿ ಪ್ರಗತಿ ದರವೂ ಏರಿಕೆಯಾಗಲಿದೆ ಎಂದು ಫಿಚ್‌ ಸಂಸ್ಥೆ ಹೇಳಿದೆ.