ಕೇಸ್‌ ವಜಾ ಕೋರಿ ಕಮಲಾ ಮಿಲ್ಸ್‌ ನಿರ್ದೇಶಕ ಬಾಂಬೆ ಹೈಕೋರ್ಟಿಗೆ

ಮುಂಬಯಿ : ಕಳೆದ ವರ್ಷ ಡಿಸೆಂಬರ್‌ 29ರಂದು ಹದಿನಾಲ್ಕು ಜೀವಗಳು ಬಲಿಯಾದ ಭೀಕರ ಅಗ್ನಿ ದುರಂತ ಕಂಡ ಕಮಲಾ ಮಿಲ್ಸ್‌ ಲಿಮಿಟೆಡ್‌ನ‌ ನಿರ್ದೇಶಕ ರವಿ ಭಂಡಾರಿ ಅವರು ತನ್ನ ವಿರುದ್ಧ ದಾಖಲಾಗಿರುವ ನರಹತ್ಯೆ ಪ್ರಕರಣವನ್ನು ವಜಾ ಮಾಡುವಂತೆ ಕೋರಿ ಬಾಂಬೆ ಹೈಕೋರ್ಟ್‌ ಗೆ ಮನವಿ ಸಲ್ಲಿಸಿದ್ದಾರೆ. 

ರವಿ ಭಂಡಾರಿ ಅವರ ಮನವಿಯನ್ನು ನಿನ್ನೆ ಶುಕ್ರವಾರ ಜಸ್ಟಿಸ್‌ ಬಿ ಆರ್‌ ಗವಾಯಿ ಮತ್ತು ಜಸ್ಟಿಸ್‌ ಬಿ ಪಿ ಕೊಲಾಬಾವಾಲ ಅವರನ್ನು ಒಳಗೊಂಡ ವಿಭಾಗೀಯ ಪೀಠಕ್ಕೆ ಉಲ್ಲೇಖೀಸಲಾಗಿತ್ತು. ಈ ಮನವಿಯ ವಿಚಾರಣೆಯನ್ನು ಪೀಠವು ಎರಡು ವಾರಗಳ ನಂತರದ ದಿನಾಂಕಕ್ಕೆ ನಿಗದಿಸಿತು.

ರವಿ ಭಂಡಾರಿ ಅವರನ್ನು ಕಳೆದ ತಿಂಗಳಲ್ಲಿ ಬಂಧಿಸಲಾಗಿತ್ತು. ಅವರೊಂದಿಗೆ ಅಗ್ನಿ ಶಾಮಕ ದಳದ ಅಧಿಕಾರಿ ರಾಜೇಂದ್ರ ಪಾಟೀಲ್‌ ಮತ್ತು ಪಬ್‌ಗಳಿಗೆ ಹುಕ್ಕಾ ಪೂರೈಸಿದ ಉತ್ಕರ್ಷ್‌ ಪಾಂಡೆ ಯನ್ನೂ ಬಂಧಿಸಲಾಗಿತ್ತು. ಈ ಮೂವರೂ ಈಗ ನ್ಯಾಯಾಂಗ ಬಂಧನದಲ್ಲಿದ್ದಾರೆ.