ಮ.ಪ್ರ 50% ಕಮಿಷನ್‌ ಆರೋಪ: ಕೈ ನಾಯಕರ ಮೇಲೆ FIR

ಭೋಪಾಲ್‌: ಮಧ್ಯಪ್ರದೇಶ ಸರ್ಕಾರವು ಗುತ್ತಿಗೆನೌಕರರಿಂದ ಶೇ.50ರಷ್ಟು ಕಮಿಷನ್‌ ಪಡೆಯುತ್ತಿದೆ ಎಂದು ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ವಾದ್ರಾ ಗಾಂಧಿ ಅವರ ಆರೋಪದ ಬೆನ್ನಲ್ಲೇ, ಪ್ರಿಯಾಂಕಾ ಜತೆಗೆ ಕಾಂಗ್ರೆಸ್‌ನ ಇನ್ನಿಬ್ಬರು ನಾಯಕರ ಟ್ವಿಟರ್‌ ಹ್ಯಾಂಡ್ಲರ್‌ಗಳ ವಿರುದ್ಧ ಎಫ್ಐಆರ್‌ ದಾಖಲಿಸಲಾಗಿದೆ.

ಪ್ರಿಯಾಂಕಾ ಅವರ ಜತೆಗೆ ಮಧ್ಯಪ್ರದೇಶ ಕಾಂಗ್ರೆಸ್‌ ಮುಖ್ಯಸ್ಥ ಕಮಲಾನಾಥ್‌ ಹಾಗೂ ಮಾಜಿ ಕೇಂದ್ರಸಚಿವ ಅರುಣ್‌ ಯಾದವ್‌ ಅವರ ಟ್ವಿಟರ್‌ ಹ್ಯಾಂಡ್ಲರ್‌ಗಳ ವಿರುದ್ಧವೂ ಪ್ರಕರಣ ದಾಖಲಿಸಲಾಗಿದೆ. ಸ್ಥಳೀಯ ಬಿಜೆಪಿ ಸಂಚಾಲಕರಾದ ನಿಮೇಶ್‌ ಪಾಠಕ್‌ ಅವರು ನೀಡಿರುವ ದೂರನ್ನು ಆಧರಿಸಿ, ಎಫ್ಐಆರ್‌ ದಾಖಲಿಸಿರುವುದಾಗಿ ಇಂದೋರ್‌ ಪೊಲೀಸರು ತಿಳಿಸಿದ್ದಾರೆ.

ಪ್ರಿಯಾಂಕಾ ಅವರ ಆರೋಪ ಸುಳ್ಳು ! ಅದನ್ನು ಅವರು ನಿರೂಪಿಸದಿದ್ದರೆ ಅವರ ವಿರುದ್ಧ ಕೇಸು ದಾಖಲಿಸುವುದಾಗಿ ರಾಜ್ಯ ಬಿಜೆಪಿ ಘಟಕ ಎಚ್ಚರಿಕೆ ನೀಡಿದ್ದ ಬೆನ್ನಲ್ಲೇ ಈ ಘಟನೆ ವರದಿಯಾಗಿದೆ.