Finance: ಚಿಲ್ಲರೆ ಹಣದುಬ್ಬರ ಶೇ 5.69ಕ್ಕೆ ಏರಿಕೆ

ಹೊಸದಿಲ್ಲಿ: 2023ರ ಡಿಸೆಂಬರ್‌ನಲ್ಲಿ ದೇಶದ ಚಿಲ್ಲರೆ ಹಣದುಬ್ಬರವು ಶೇ. 5.69ಕ್ಕೆ ಏರಿಕೆಯಾಗಿದೆ.2023ರ ನವೆಂಬರ್‌ನಲ್ಲಿ ಈ ಪ್ರಮಾಣ ಶೇ.5.5ರಷ್ಟಿತ್ತು ಹಾಗೂ ಆಗಸ್ಟ್‌ನಲ್ಲಿ ಶೇ.6.83ಕ್ಕೆ ತಲುಪಿ ಸರ್ವಕಾಲಿಕ ಏರಿಕೆ ದಾಖಲಿಸಿತ್ತು.

ಶುಕ್ರವಾರ ಬಿಡುಗಡೆಗೊಂಡ ದತ್ತಾಂಶಗಳ ಪ್ರಕಾರ, ಆಹಾರ ಪದಾರ್ಥಗಳ ಬೆಲೆ ಏರಿಕೆಯಿಂದಾಗಿ ಚಿಲ್ಲರೆ ಹಣದುಬ್ಬರ ಹೆಚ್ಚಳವಾಗಿದೆ. 2022ರ ಡಿಸೆಂಬರ್‌ನಲ್ಲಿ ಚಿಲ್ಲರೆ ಹಣದುಬ್ಬರವು 5.72ಕ್ಕೆ ತಲುಪಿತ್ತು ಎನ್ನಲಾಗಿದೆ. ಇದೇ ವೇಳೆ, ದೇಶದ ಕೈಗಾರಿಕೆ ಬೆಳವಣಿಗೆ ಕೂಡ 2023ರ ನವೆಂಬರ್‌ನಲ್ಲಿ ಶೇ.2.4ರಷ್ಟು ಇಳಿಕೆಯಾಗಿದೆ. 2022ರ ನವೆಂಬರ್‌ನಲ್ಲಿ ಕೈಗಾರಿಕೆ ಬೆಳವಣಿಗೆ ಶೇ.7.6ರಷ್ಟು ಏರಿಕೆ ದಾಖಲಿಸಿತ್ತು.