ಇನ್‌ಫೋಕಸ್‌ –ಅನಿವಾಸಿ ಲತೆ

ಇತ್ತೀಚೆಗಷ್ಟೇ ಲತಾ ಹೆಗಡೆ ಎಂಬ ನವನಟಿ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟಿರೋದು, ಮಹೇಶ್‌ ಬಾಬು ನಿರ್ದೇಶನ, ಚೇತನ್‌ ನಾಯಕರಾಗಿರುವ ಸಿನಿಮಾಕ್ಕೆ ನಾಯಕಿಯಾಗಿರುವ ವಿಷಯವನ್ನು ನೀವು ಕೇಳಿರಬಹುದು. ಇಂತಿಪ್ಪ ಲತಾ ಹೆಗಡೆ ಈಗ ಬಿಝಿಯಾಗುತ್ತಿದ್ದಾರೆ. ನಿಧಾನವಾಗಿ ಚಿತ್ರರಂಗದಲ್ಲಿ ನೆಲೆಯೂರುತ್ತಿದ್ದಾರೆ. ಈಗ ಲತಾ ಹೆಗಡೆ ಮತ್ತೂಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದು ದಿಗಂತ್‌ ನಾಯಕರಾಗಿರುವ ಚಿತ್ರ. ದಿಗಂತ್‌ ನಾಯಕರಾಗಿರುವ “ಉತ್ಸವ್‌’ ಎಂಬ ಸಿನಿಮಾಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಶಿರಸಿ ಸಮೀಪದ ಹೊನ್ನಾವರದವರು ಲತಾ. ಚಿಕ್ಕಂದಿನಲ್ಲೇ ಕುಟುಂಬದವರ ಜೊತೆ ನ್ಯೂಜಿಲೆಂಡ್‌ಗೆ ಹೋಗಿ ಅಲ್ಲೇ ನೆಲೆಸಿದ್ದಾರೆ. 

ದೂರದ ನ್ಯೂಜಿಲೆಂಡ್‌ನ‌ಲ್ಲಿದ್ದರೂ ಲತಾ ಹೆಗಡೆಗೆ ಕನ್ನಡ ಸುಲಲಿತ. ಸ್ಪಷ್ಟವಾಗಿ ಕನ್ನಡವನ್ನು ಮಾತಾಡುವ ಲತಾ ಹೆಗಡೆಯನ್ನು ಬಹುತೇಕ ಮಂದಿ ಸಿನಿಮಾ ಯಾಕೆ ಮಾಡಬಾರದು ಅಂತಾನೇ ಪ್ರಶ್ನಿಸುತ್ತಿದ್ದರಂತೆ. ಕೊನೆಗೆ ಆ ಹುಡುಗಿಗೂ ಆ ಆಸೆ ಹೆಚ್ಚಾಗಿ, ಸಿನಿಮಾದತ್ತ ಒಲವು ಮೂಡಿದೆ. ಹೀಗೆ ಸಿನಿಮಾದಲ್ಲಿ ನಟಿಸಬೇಕು ಎಂದು ಲತಾ ಆಲೋಚಿಸುತ್ತಿರುವಾಗಲೇ ಮಹೇಶ್‌ ಬಾಬು ಸಿನಿಮಾದಿಂದ ಆಫ‌ರ್‌ ಬಂದಿದೆ. ಮಹೇಶ್‌ ಬಾಬು ಲಾಂಚ್‌ ಮಾಡಿದ ಹುಡುಗಿಯರು ಚಿತ್ರರಂಗದಲ್ಲಿ ಕ್ಲಿಕ್‌ ಆಗುತ್ತಾರೆ ಎಂಬ ಮಾತೂ ಇದೆ. ಇದು ಕೂಡಾ ಲತಾ ಸಿನಿಮಾ ಒಪ್ಪಿಕೊಳ್ಳಲು ಕಾರಣ ಎಂದರೆ ತಪ್ಪಲ್ಲ. ಅದರಂತೆ ಲತಾ ಈಗ ಬಿಝಿಯಾಗುತ್ತಿದ್ದಾರೆ. ಮಹೇಶ್‌ ಬಾಬು ಸಿನಿಮಾ ಒಪ್ಪಿಕೊಂಡ ಎರಡು ದಿನದಲ್ಲೇ ಲತಾಗೆ ತಮಿಳಿನಿಂದ ಆಫ‌ರ್‌ ಬಂದಿದೆ.  ಖುಷೂº ಪ್ರೊಡಕ್ಷನ್‌ನಲ್ಲಿ ತಯಾರಾಗುತ್ತಿರುವ ಚಿತ್ರದಲ್ಲಿ ಈಗಾಗಲೇ ಲತಾ ನಟಿಸಿದ್ದಾರೆ. ಹೊಸ ಹುಡುಗ ಜಯ್‌ ಆ ಚಿತ್ರದ ಹೀರೋ. ಈಗ ಲತಾ ಹೆಗಡೆ ಕನ್ನಡದಲ್ಲೂ ಬಿಝಿಯಾಗುತ್ತಿದ್ದಾರೆ.